वणी : सध्या समजतच नाही कोण कुठच्या पक्षा मध्ये आहे, तेच समजत नाही. मला असं वाटतं की याचा तुम्हाला राग येतो, की नाही येतो. ह्या असल्या गोष्टींचा राग व्यक्त करायची जागा, येणारी विधानसभा आहे. विधानसभेची निवडणूक आहे ती, असे रोखठोक मत आजच्या वणी स्वागत सभेत बोलताना मनसे अध्यक्ष राज ठाकरे यांनी व्यक्त केले. ते मराठवाडा नंतर विदर्भ दौऱ्यावर आलेले आहेत. उमेदवाराची चाचपणी म्हणून दौरा सुरू असल्याचे यावेळी सांगितले.
यावेळी वणी विधानसभा मतदार संघातील महाराष्ट्र सैनिक, पदाधिकारी, महिला पदाधिकारी,शहरी-ग्रामीण शाखेचे प्रमुख, उपप्रमुख, बुथ प्रमुख व इतर पदाधिकारी तसेच कार्यकर्ते मोठ्या संख्येने उपस्थिती होते.
पुढे बोलताना म्हणाले की, तुम्ही अशीच राहलात तर,तुमच्या नशिबी अशीच माणसं येणार, अशीच सरकार येणार.कधीही प्रश्न सुटणार नाहीत. मी सहजच बोलत नाही राज ठाकरे असा सहज बोलत नाही,अत्यंत गांभीर्यपूर्वक सांगतो. एकदा या महाराष्ट्राची सत्ता राज ठाकरे च्या हातात द्या तुम्ही. राज्य कसं हाकलायचं न, कायद्याची भीती काय असते न हे तुम्हाला मी दाखवून देईल. परत या महाराष्ट्रामध्ये बाई कडे, मुलीकडे कोणाची वाकडया नजरेने पाहण्याची हिम्मत होणार नाही, असेही ते म्हणाले.
वणी विधानसभेकरिता राजु उंबरकर यांची उमेदवारी आपल्या समोर आज जाहीर करतोय. सर्वांनी पुर्ण ताकदीने राजु उंबरकरांच्या मागे उभं राहावं.त्याला आमदार म्हणून विधानसभेत पाठवावं. येणाऱ्या विधानसभेच्या निवडणुकीकरिता तुमचे आशिर्वाद आमच्या मागे कायम राहो,एवढीच अपेक्षा, आशा राज ठाकरे यांनी व्यक्त केली.