मारेगाव : तालुक्यातील गोरज येथे विजेचा धक्क्याने एका शेतकऱ्याचा बैल ठार झाला. ही घटना आज सकाळी 6.30 वाजता घडली.
पेंदोर यांच्या शेतातून जिवंत विद्युत प्रवाह सुरू असलेले एक पोल मागील 6/7 दिवसापासून झुकले होते,याची तक्रार सुद्धा दिल्याची माहिती आहे.मात्र तो नादुरुस्तीमुळे तो पहिला व दुसरा सुद्धा पोलचे लोड वाढल्यामुळे पोल जमिनीवर पडला. मात्र त्यातून जिवंत विद्युत प्रवाह सुरू होता तात्काळ दुरुस्त करा अशी शेतकरी वर्गातून मागणी होत होती. परिणामी आज सकाळी निळकंठ सूर्यभान जिवतोडे (60) याच्या मालकीचा बैल शेतातून जात असताना त्या पडलेल्या पोल च्या जिवंत विद्युत ताराचा स्पर्श झाल्याने बैल जागीच तडफडत ठार झाला.
या घटनेत शेतकऱ्याचे मोठे नुकसान झाले आहे. ऐन शेतीच्या हंगामात बैल दगावल्याने बळीराजा आर्थिक संकटात सापडला असून घटनेची माहिती पोलिस स्टेशन, उपअभियंता मारेगाव व संबंधित अधिकाऱ्यांना देण्यात आली.