सह्याद्री चौफेर | वृत्तसंस्था
वणी : जुनी पेन्शन योजना पुनर्संचयित करण्याचा ना युतीच्या विचाराधीन आहे,ना आघाडीच्या घोषणेत आहे. कर्मचाऱ्यांना 'पेन्शन' मिळेल की नाही. कर्मचारी वर्गात उदासीनता असून काँग्रेस च्या मेनीफेस्टोमध्ये तरी "जुनी पेन्शन योजना" हवी होती असे चर्चील्या जात आहे.
निवडणूक काळात मोठं मोठी आश्वासने द्यायची, मग सत्ता आली गेली की दिलेली आश्वासने विसरून जायचे हेच आजवर चाललंय. मग सरकार कोणाचेही असो, असे बोलल्या जात आहे.
मागील वर्षी पेन्शन मिळावी म्हणून विधान भावनावर मोर्चा, आंदोलन, धरणे व निवेदने केली गेली. या लोकसभा निवडणुकीच्या अनुषंगाने कर्मचाऱ्यांना मोठी आशा आहे. मात्र, काँग्रेसने जाहिर केलेल्या मेनीफेस्टोमध्ये चक्क जुनी पेन्शन योजनाच नसल्याने शासकीय कर्मचारी वर्गात चलबिचल आहे.
जुनी पेन्शन योजना काय आहे?
जुन्या पेन्शन योजनेअंतर्गत निवृत्तीनंतर कर्मचाऱ्याला एक विशिष्ट रक्कम पेन्शन म्हणून दिली जायची. ही रक्कम कर्मचाऱ्याच्या शेवटच्या वेतनाच्या ५० टक्के होती. उदाहरणार्थ, एखाद्या सरकारी कर्मचाऱ्याचे शेवटचे वेतन १० हजार रुपये असेल, तर त्याला थेट पाच हजार रुपये पेन्शन मिळायचे.