सह्याद्री चौफेर | वृत्तसंस्था
मारेगाव : तालुक्यातील कानडा येथे दारूची अवैध विक्री होत असल्याने येथील महिलामध्ये संतापाची लाट आहे. मागील वर्षी देखील येथील शेकडो महिलांनी एकत्रित येत दारू पकडून या बाबत पोलिसांना अवगत केले, गावातील दारू बंद करण्यात यावी अशी मौखिक तक्रार पोलिसांना असताना मात्र, गावातीलच 'फाले' नामक हा पोलिसांच्या आणि गावातील नागरिकांच्या, पदाधिकारी यांच्या नाकावर टिचून अवैध दारूची विक्री गाव शिवारात करित असल्यामुळे आज (ता.5 फेब्रु.) रोज मंगळवारला सकाळी 8 वाजताच्या दरम्यान, गावातील महिलांनी 'तो' दारू विकत असल्याची माहिती देत त्याची पोलिसांनी अवैध दारू पकडली. यात 180 मिली, देशी दारूचे 76 पव्वे,90 मिली देशीचे 86 पव्वे, तर विदेशी 180 मिली एम डी नं -1चे सात निपा असा एकूण 10,570 रुपयाचा मुद्देमाल जप्त करण्यात आला.
सदरची कारवाई नव्याने रुजू झालेले पोलीस निरीक्षक शंकर पांचाळ यांच्या मार्गदर्शनाखाली राजू टेकाम यांनी केली. यावेळी पंच म्हणून गावातील महिला होत्या. ह्या कारवाईमुळे तालुक्यातील अवैध धंदे उजागर होत असल्याने आता असले धंदे पुन्हा फोफावणार नाही, याकडे नव्या साहेबांना विशेष लक्ष घालावे लागणार आहे.