सह्याद्री चौफेर | वृत्तसंस्था
मारेगाव : शासनाने नागरिकांना स्वस्त दरात वाळू उपलब्ध होण्यासाठी नवीन वाळू धोरण लागू केले आहे. मात्र,या नवीन वाळू धोरणाचा फज्जा उडाल्याचे मारेगाव तालुक्यात चित्र असून कोसारा रेती डेपो मधून घरकुल लाभार्थ्यांना रेती मिळत नसल्याने मनसेच्या वतीने आज ता 24 रोज शनिवार सकाळी 11वाजता कोसारा रेती डेपोवर हल्लाबोल आंदोलन करण्यात येणार आहे.
मारेगाव पंचायत समिती अंतर्गत प्रधानमंत्री आवास योजनेच्या घरकुल लाभार्थ्यांसाठी रेती डेपोला मंजूरात देण्यात आली आहे.विलाल ट्रेंड्स या कपंनीला देण्यात आलेल्या या डेपोतुन 2 जुलै 2023 पासून अजूनही येथील लाभार्थ्यांना ऑनलाईन रेतीचा पुरवठा करण्यात आला नाही. त्यामुळे तालुक्यातील घरकुल लाभार्थी रेती योजने पासून वंचीत असून घराची बांधकाम विना रेती करायची कशी या विवंचनेत असून रेती मिळावी यासाठी मनेसे च्या नेतृत्वात शनिवार ला 11 वाजता कोसारा डेपो वर धडक देऊन आपली व्यथा प्रशासनासमोर मांडणार आहे.
या आंदोलनाचे नेतृत्व मनसेचे नेते राजू उंबरकर करणार आहे. याबाबतचे निवेदन तहसीलदार मारेगाव यांना देण्यात आले आहे. आज आंदोलक सकाळी 11 वाजता ट्रॅक्टरने कोसारा डेपोवर जाऊन "आमची रेती आम्हाला द्या" अशी मागणी करणार आहे. सुरु करण्यात आलेल्या या डेपोमध्ये कोसारा घाटातून पी सी ने अवैध रेतीचा मनमानी रेतीचा उपसा करण्यात आला आहे. तसेच या रेतीची तस्करी जिल्हा बाहेर जात असताना मात्र, तालुक्यातील लाभार्थ्यांना डावल्ल्या जात असल्याचा आरोप निवेदनातून करण्यात आला आहे.
दिलेल्या निवेदनावर जिल्हा उपाध्यक्ष संतोष रोगे, अनंता जुमळे, अतुल पचारे, माणिक पांगुळ, रामदास चौधरी, वैभव सोनटक्के, रोशन कडून, अभिजित जुमळे, आकाश नान्ने, गणेश क्षीरसागर, बबन हस्ते इत्यादीच्या सह्या आहेत