सह्याद्री चौफेर | रवी घुमे
मारेगाव : भिमा कोरेगाव शौर्यदिन व क्रांतीज्योती सावित्रीबाई फुले जयंतीचे औचित्य साधून मारेगाव येथे येत्या २ जानेवारी (सोमवार) ला राष्ट्रीय प्रबोधनकार, वादळवारा कॅसेट फेम, विद्रोही व क्रांतिकारक गायक अनिरुद्ध वनकर यांचा प्रबोधनात्मक कार्यक्रम आयोजित करण्यात आला आहे.
मारेगाव तालुक्यात सामाजिक चळवळीला ऊर्जा मिळावी आणि भिमा कोरेगाव शहीद हुतात्म्यांच्या बलिदानाची शौर्यगाथा समाजमनात कायम तेवत रहावी, त्यांच्या आहुत्यांना उजाळा देण्यासाठी हा प्रबोधनात्मक कार्यक्रम आयोजित आहे.
स्थानिक राज्यमहामार्गचे बाजूला, सार्वजनिक बांधकाम विभागाच्या पटांगणात सायंकाळी ६ वाजता सुरू होणाऱ्या कार्यक्रमाचे अध्यक्षस्थान महाराष्ट्र नवनिर्माण सेनेचे राज्य उपाध्यक्ष राजू उंबरकर भूषविणार आहे.
तालुक्यातील तमाम जनतेंनी वैचारिक मेजवानीची पर्वणी असलेल्या प्रबोधनाचा लाभ घ्यावा असे आवाहन मारेगाव फुले- शाहू- आंबेडकर प्रबोधन विचार मंच तथा मारेगाव, वणी - झरी तालूका महाराष्ट्र नवनिर्माण सेनेच्या वतीने करण्यात आले आहे.