ट्रक झाडावर आदळून झालेल्या अपघातात चालकासह क्लिनर ठार

सह्याद्री न्यूज नेटवर्क | 

केळापूर, (३१ जुलै) : यवतमाळ-चंद्रपूर या राज्य महामार्ग क्रमांक चार वर ट्रक झाडावर आढळल्याने झालेल्या अपघातात चालक व क्लिनर दोघेही ठार झाले आहेत. हा अपघात आज ३१ जुलै ला सकाळी ८:३० वाजताच्या दरम्यान घडला.

चंद्रपूरहून यवतमाळच्या दिशेने लोखंडी पोल घेऊन निघालेल्या ट्रकचा टायर फुटून अनियंत्रित ट्रक रस्त्याच्या कडेला असलेल्या झाडावर आदळला. यात ट्रकचालक व क्लिनर दोघेही ट्रकच्या केबिनमध्ये फसले. यात दोघांचाही मृत्यू झाला.

अपघातात ट्रक मध्ये दोघे फसले असतानाही त्यांना वाचविण्यासाठी ५ तासात कुठलेही प्रयत्न न झाल्याने नागरिकांनी रोष व्यक्त केला. या अपघातात ठार झालेले ड्राइवर व क्लिनर दोघेही चंद्रपूर जिल्ह्यातील असल्याचे चर्चा आहे.