सह्याद्री चौफेर | वृत्तसंस्था
मारेगाव : येथे सुमारे 2 कोटी 49.68 लक्ष खर्चुन नव्याने बांधण्यात येणाऱ्या मारेगाव बस स्थानकाचे भूमिपूजन विद्यमान आमदार संजीवरेड्डी बोदकुरवार यांचे हस्ते आज करण्यात आले.
मारेगावात राज्य परिवहन महामंडळाचे नवीन बस स्थानक व्हावे यासाठी स्थानिकांनी वर्षानुवर्षे मोठा लढा दिला होता. अनेकदा आंदोलन, मोर्चे, उपोषण अशा विविधांगी लढ्याच्या माध्यमातून मागणी होत होती. त्यामुळे तालुक्यातील जनतेची, विद्यार्थ्यांची व बाहेरगावी प्रवाश्यांची होणारी गैरसोय लक्षात घेऊन वणी विधानसभेचे लोकप्रिय आमदार संजीवरेड्डी बोदकुरवार यांचे विशेष प्रयत्नाने खनिज निधी अंतर्गत (2 कोटी 49.68 लक्ष) खर्चून बांधण्यात येणाऱ्या आज गुरुवार (ता. 26) ला मारेगाव शहरात सुसज्ज नवीन बस स्थानक बांधकामाचा भूमिपूजन समारंभ मोठ्या थाटात पार पडला.या प्रसंगी आंदोलन, उपोषण कर्त्यांच्या हाताने नारळ फोडून भूमिपूजन केले.
यावेळी जेष्ठ सामाजिक कार्यकर्ते साठे काका, कॉम्रेड बंडू गोलर, भाजपचे तालुका अध्यक्ष अविनाश लांबट, शहराध्यक्ष अनुप महाकुलकर, ता. सरचिटणीस प्रशांत नांदे, नगराध्यक्ष डॉ.मनीष मस्की, नगरसेवक हर्षांली महाकुलकर, नगरसेवक अंजुम शेख, माजी अध्यक्ष ज्ञानेश्वर चिकटे, पवन ढवस, प्रसाद ढवस, पत्रकार श्रीकांत तांबेकर, नगरसेवक राहुल राठोड, रमण डोहे, गणेश झाडे, सुनील देऊळकर, प्रसाद झाडे, नगरसेवक वैभव पवार, प्रवीण बोथले, योगीराज बलकी, दादाराव ठोबरे, लता रामटेके, काॅ.विलास ढुमने, अक्षय रामटेके, धनराज अडबाले, दत्तु कोहळे, इरफान भाई, शारदा गेडाम, प्रवीन आडे, अजय मेश्राम, संदिप टेकाम, चंद्रभान ढेगळे, दशरथ येनगंटिवार, प्रमोद पहुरकार, पांडुरंग ठावरी, वासुदेव गोहने, यांच्यासह अधिकारी व भाजप पदाधिकारी तसेच नागरिक मोठ्या संख्येने उपस्थित होते.