सह्याद्री चौफेर | कुमार अमोल
मारेगाव : अविनाश लांबट हे मारेगाव तालुक्याच्या सामाजिक, राजकीय व आर्थिक विकासासाठी राजकारणाच्या माध्यमातून सदैव धडपडत असतात. यासाठी ते भारतीय जनता पार्टीचे तालुका अध्यक्ष म्हणून काम करतांना सर्व पक्षीय मिञमंडळ, माध्यमांना, तालुक्यातील युवकांना सोबत घेऊन काम करतात. त्यामुळे ते मारेगाव तालुक्याच्या विकासासाठी झपाटलेले व्यक्तीमत्व आहे, असे गौरवोद्गार भारतीय जनता पक्षाचे तालुका अध्यक्ष अविनाश लांबट यांच्या वाढदिवसानिमित्य कृषी उत्पन्न बाजार समिती मारेगाव येथील सभागृहात आयोजित अभिष्टचिंतन सोहळ्यात प्रमुख मार्गदर्शक म्हणून बोलताना भाजपाचे नेते माधव कोहळे यांनी काढले.
यावेळी माजी अध्यक्ष ज्ञानेश्वर चिकटे, भाजपा जेष्ठ नेते मंगेश देशपांडे, अ.भा.स.परिषदेचे सचिव सुरेश लांडे, किसान आघाडीचे जिल्हा अध्यक्ष शंकर लालसरे, ता. सरचिटणीस प्रशांत नांदे, जेष्ठ नेते जयंताजी लांबट, पारस गंधर्व चे संचालक प्रवीण भाऊ बोथले यांची विचारपीठावर प्रामुख्याने उपस्थिती होती.
यावेळी भाजपा पदाधिकारी व मित्र परिवार मोठ्या संख्येने उपस्थित होते.
