सह्याद्री चौफेर | वृत्तसंस्था
चंद्रपूर : इंडिया आधाडी व महाविकास आघाडीचे भारतीय राष्ट्रीय काँग्रेसच्या अधिकृत उमेदवार प्रतिभा धानोरकर यांचे प्रचारार्थ चंद्रपूरात संकल्प सभेचे आयोजन करण्यात आले होते. या सभेला संबोधित करण्यासाठी विरोधी पक्षनेते विजय वडेट्टीवार हे उपस्थित होते. आणि कार्यकर्त्याची शंका मिटली. तत्पूर्वी लोकसभा उमेदवारीवरून मतदार संघात विविध चर्चेला उधाण आले होते, त्या चर्चेला आज पूर्णविराम मिळाला आहे. साहेब काय आता बोलणार याकडे सर्व आघाडी च्या पदाधिकारी व कार्यकर्त्यांचे लक्ष वेधले होते.
वडेट्टीवार यांनी आपल्या भाषणातून भारतीय जनता पार्टी वर जोरदार टिकास्त्र करित ताई शंका बाळगण्याचं कारण नाही मी प्रचार मैदानात उतरणार आहे. यावेळी टाळ्यांचा गडगडाट आणि जयघोषाने सभामंडळ दुमदूमला होता. त्यांनी सोयाबीन, कपाशी ला भाव काय, यावर आपली प्रखर भूमिका मांडली. पुढे बोलताना ते म्हणाले की, मणिपूर व देशात होत असलेल्या महिलावर अन्याय अत्याचार हे उघड्या डोळ्यांनी बघणारे सरकार असून गुन्हेगारी प्रवृत्तीला पाठीशी घालणे ही यांची संस्कृती आहे. महिलांचा अपमान देश कधीच विसरू शकत नाही.
रमेशजी चेनीथल्ला, महाराष्ट्र प्रदेश निरीक्षक, मा. मुकुलजी वासनिक सरचिटणीस अखिल भारतीय काँग्रेस कमिटी, मा. नाना पटोले प्रदेशाध्यक्ष महाराष्ट्र प्रदेश अध्यक्ष काँग्रेस कमिटी, मा. विजय वडेट्टीवार विरोधी पक्षनेते महाराष्ट्र विधानसभा, सौ पल्लवी रेनके प्रदेश काँग्रेस अध्यक्षा VJNT सेल, यांच्या प्रमुख उपस्थितीत इंडिया आघाडीच्या अधिकृत उमेदवार प्रतिभा धानोरकर यांच्या प्रचारार्थ दिनांक 5 एप्रिल 2024 रोजी सकाळी 10.30 वाजता, इम्पेरियल पॅलेस बालाजी मंदिराजवळ, दाताळा रोड, चंद्रपूर येथे कार्यकर्ता बैठकीचे आयोजन करण्यात आले होते.
या सभेला जिल्हाभरातून इंडिया आघाडी व महाविकास आघाडी चे नेते,पदाधिकारी व कार्यकर्ते मोठ्या संख्येने उपस्थित होते.