वणी : पोलीस उपनिरीक्षक शिवाजी टिपूर्णे, पोना धिरज चव्हाण यांना पोलीस अधिक्षक यांनी या दोघांना निलंबित केले आहे.
सविस्तर असे की, टिपूर्णे व चव्हाण यांचा 29 गुरुवारी रात्री किरकोळ कारणावरून वाद झाला, वादाचे रूपांतर हाणामारीt झाले. चक्क! पोलीस स्टेशन च्या आवारात दोघांनी एकमेकांना लाथाबुक्क्यानी मारहाण केली. या प्रकरणाची गावभर चर्च रंगत असतांना उपविभागीय पोलीस अधिकारी संजय पुज्जलवार यांनी जिल्हा पोलीस अधिक्षक यांना अहवाल पाठवला होता.
कायद्याचे रक्षक व लोकसेवक या पदाला न शोभणारे कृत्य व पोलीस अधिकारी व अंमलदार या पदाला अशोभनीय गैरवर्तन केल्याचा ठपका ठेवत कारवाई करण्यात आली आहे. पोलीस अधिक्षक डॉ दिलीप भुजबळ यांनी त्या दोघांना तडकाफडकी निलंबित केले आहे.
गेल्या कित्येक महिन्यापासून वणी पोलीस स्टेशन वादग्रस्त राहिले आहे. मोठमोठ्या गुन्ह्यात अनेकांनी आपले हात पिवळे केले आहे. कित्येक गुन्ह्याचा तपास प्रलंबित आहे. या अनुषंगाने पोलीस अधीक्षक काय ठोस पाऊल उचलतात का? हेही वास्तव बघणे आवश्यक असल्याचे नागरिकांतून बोलले जात आहे.