रवी घुमे | सह्याद्री चौफेर
मारेगाव : स्थानिक कला वाणिज्य व विज्ञान महाविद्यालय मारेगाव येथील राष्ट्रीय सेवा योजना व साक्षी फाउंडेशन यांच्या संयुक्त विद्यमाने Stop Child Sexual Abuse POCSO Act 2012 या विषयावर एकदिवसीय कार्यशाळेचे आयोजन करण्यात आले होते. सदर कार्यशाळेला मार्गदर्शन करण्याकरिता साक्षी फाउंडेशन येथील मार्गदर्शक डॉ. भारती गोमासे मॅडम तर कार्यक्रमाच्या अध्यक्षस्थानी महाविद्यालयाचे प्राचार्य डॉ. अविनाश घरडे सर उपस्थित होते.
डॉ. गोमासे मॅडम बाल लैंगिक अत्याचारा विषयी बोलत असताना आपले मूल सुरक्षित राहील त्याचे भविष्य उज्ज्वल घडेल, याकडे लक्ष देत असतानाच आपल्या मुलांवर अशा प्रकारे कोणी अत्याचार करण्यास धजावणार असेल, तर त्याला कायद्याने कडक शिक्षा देण्यास पालकांनी खंबीर राहायला हवे. तरच बालकांच्या संरक्षणासाठी तयार करण्यात आलेल्या या कायद्याचा (पोक्सो कायदा 2012) हेतू सफल होईल. आपल्या अध्यक्षीय भाषणात बोलत असताना डॉ. घरडे सर यांनी समाजामध्ये घडत असलेल्या बाललैंगिक अत्याचार विषयी पालकांना जागरूक राहावे लागेल आणि कायद्यामध्ये शासनाने बदल घडवून आणावा असे आपले मत व्यक्त केले.
सुंदर असे प्रास्ताविक आमच्या महाविद्यालयाचे प्राध्यापक डॉ. गजानन सोडणर यांनी केले तर आभार प्रदर्शन रासेयो कार्यक्रमाधिकारी प्रा. बाळासाहेब देशमुख यांनी मानले. कार्यक्रमासाठी महाविद्यालयातील प्राध्यापक डॉ. श्रीराम खाडे, डॉ. प्रवीण कुलकर्णी, डॉ. अनिल अडसरे, प्रा. प्रदीप माकडे, प्रा. अक्षय जेणेकर, प्रा. रुपेश वांढरे आदि जण प्रामुख्याने उपस्थित होते. कार्यक्रमाच्या यशस्वीतेसाठी रासेयो सह कार्यक्रमाधिकारी प्रा. विजय भगत, प्रा. माधुरी शेंडे व रासेयो विद्यार्थ्यांनी मेहनत घेतली.