सह्याद्री चौफेर | वृत्तसंस्था
मारेगाव : पहापळ येथील शासकीय राशन कार्ड धारक लाभार्थीच्या अंत्योदय व प्राधान्यक्रम योजनेतील लाभार्थी डी वन चौकशीची मागणी भैय्याजी कनाके ग्रा. पं. सदस्य तथा पेसा समिती अध्यक्ष पहापळ यांनी तहसीलदार साहेब (पुरवठा विभाग) यांना करण्यात आली.
तालुक्यातील पंचायत समिती, मारेगाव अंतर्गत येणाऱ्या पहापळ येथील दारिद्र्य रेषेखालील भूमिहीन, शेतमजूर, आत्महत्याग्रस्त, विधवा,आणि अपंगत्व असणाऱ्या लाभार्थ्याला लाभ न पोहचवता आर्थिकदृष्टया व डी वन मध्ये समाविष्ट असणाऱ्या सक्षम लाभार्थ्यांना देण्यात येत आहेत, असा आरोप ग्रा. पं सदस्य भैय्याजी कनाके यांनी थेट रास्त धान्य दुकानदार यांच्या वर केला असून निवेदनात असेही म्हटले की, कोणत्या निकषावर सधन शेतकरी यांना प्राधान्यक्रम तथा अंत्योदय रेशनकार्ड देण्यात आले तसेच अंत्योदय रेशन कार्डची फोड करून फोड केलेले अंत्योदय रेशन कार्ड यांना कोणत्या निकषावर कायम लाभ दिला जात आहे. याची सखोल चौकशी व्हावी अशी मागणी भैय्याजी कनाके सह ग्रामपंचायत सदश्यांनी केली आहे.
गावातील पात्र लाभार्थ्यांना लाभापासून वंचित ठेऊन अपात्र लाभार्थ्यांना लाभ देण्यात येत असून याबाबत दिनांक 27/03/2024 ला ग्रामपंचायतच्या मासिक सभेच्या ठरवात पात्र लाभार्थ्यांची निवड करून अपात्र लाभार्थ्यांचा लाभ बंद त्वरित करण्यात यावा व संबंधित राशन धान्य दुकानदारावर वरील नमूदप्रमाणे याची सखोल चौकशी करून योग्य कार्यवाही करण्यात यावी, अशी मागणी तहसीलदार तथा जिल्हा पुरवठा अधिकारी यवतमाळ यांचेकडे निवेदनातून करण्यात आली आहे.
निवेदनावर सह्या सौ.वर्षां चौधरी, सौ. वर्षां मांदाळे, श्रीमती शांताबाई ठाकरे, सौ माधुरी ठाकरे, सौ. चंदा शेंडे, सौ संध्या ठेंगणे, सौ संगीता गुरनुले, सौ कौशल्या येरकाडे, सौ. मंगला बोकडे, सौ. सुनीता झोडे,श्रीमती तारा बाई झोडे, सौ. कमल शेंडे, श्रीमती शांताबाई चहारे, श्रीमती सिंधूबाई आत्राम, श्रीमती हिराबाई पिंपळशेडे, सौ तानेबाई झोडे, श्री. प्रफुल शेंडे, श्री. लक्ष्मण शेंडे आदीं च्या आहेत.