सह्याद्री चौफेर | ऑनलाईन
मारेगाव : दिनांक 3 जानेवारी 2025 रोज शुक्रवारला जिल्हा परिषद उच्च प्राथमिक शाळा चिंचमंडळ येथे सावित्रीमाई फुले यांची जयंती तथा महिला मुक्ती दिन तसेच बालिका दिन संपन्न झाला.
या कार्यक्रमाचे अध्यक्ष म्हणून मुख्याध्यापक श्री. जीवतोडे सर सत्कारमूर्ती श्रीमती शोभाबाई कनाके प्रमुख पाहुणे म्हणून श्रीमान चाफले सर, श्रीमान आत्राम सर, कुमारी पुसाटे मॅडम अंगणवाडी सेविका, कुमारी निता निमसटकर प्रशिक्षणार्थी उपस्थित होते.
या कार्यक्रमात विद्यार्थी भाषणे, वेशभूषा, गितगायान, रांगोळी स्पर्धा घेण्यात आल्या. विजयी स्पर्धकांना पारितोषिक म्हणून ग्रंथ भेट देण्यात आले.
महिला मुक्ती दिनाचे औचित्य साधून शा. पो. आ. स्वयंपाकी ताई श्रीमती शोभाबाई कनाके यांची साडी चोळी देऊन सत्कार करण्यात आला. कार्यक्रमाचे संचालन कुमारी निता मॅडम यांनी केले प्रमुख मार्गदर्शक श्री. चाफले सर, पुसाटे मॅडम यांनी विद्यार्थ्यांना मार्गदर्शन केले ,तसेच श्री. जिवतोडे सर यांनी आपल्या अध्यक्षीय भाषणातून अमूल्य मार्गदर्शन केले तर आभार प्रदर्शन श्री.सुंदरलाल आत्राम सर यांनी केले. सर्व विद्यार्थ्यांना मिष्ठान्न भोजन देण्यात आले.
या कार्यक्रमाच्या यशस्विते करिता शाळेतील सर्वांनी सहकार्य केले.