मारेगाव : काल शुक्रवारी दुपारी साडेतीन वाजताचे दरम्यान राज्यमहामार्गावरील शिवनाळा फाट्यानजीक आयसर व पिकअप वाहन एकमेकास धडकल्याने तिघे जखमी झाले, तर यातील एक जन गंभीर जखमी झाल्याची घटना घडली.
आयसर वाहन हे यवतमाळकडे जात होते तर विरुद्ध दिशेने पिकअप वाहन येत असतांना दोघेही एकमेकास धडकले. यात आयसर वाहनातील साहील शेख अमीर (19), सय्यद युसूफ शेख (45), शेख मोहम्मद शेख जमील (32) तिघेही रा. वणी हे जखमी झाले.
यातील सय्यद युसूफ शेख गंभीररित्या जखमी झाल्याने तातडीने त्यांना जिल्हास्थळी हलविण्यात आले.
घटनेचा पुढील तपास सुरु आहे.