सह्याद्री चौफेर | वृत्तसंस्था
यवतमाळ : बदलापूर येथील लैंगिक अत्याचाराच्या घटनेच्या निषेधार्थ यवतमाळ येथील संविधान चौकात यवतमाळ जिल्हा महिला काँग्रेस कमिटी च्या वतीने आंदोलन करण्यात आले. महिला काँग्रेस कमिटी,यवतमाळ च्या जिल्हाध्यक्षा संध्या बोबडे यांच्या नेतृत्त्वात नवीन बसस्थानक परिसरात मेणबत्ती पेटवून आंदोलन केले.
अत्याचार प्रकरणातील आरोपींना पाठीशी घालण्याचे काम सत्ताधाऱ्यांकडून होत असल्याचा आरोप यावेळी करण्यात आला.या घटनेतील आरोपींना कठोर शिक्षा करण्याची मागणी करण्यात आली.या घटनेतील आरोपींना फाशीची शिक्षा देण्यात यावी आदी मागण्या करण्यात आल्या.
यावेळी मिनाक्षी सावळकर,उषा दिवटे,विद्या परचाके,प्रियंका बिडकर,गायत्री नवाडे,लियाकत शेख,सविता चौधरी,पल्लवी रामटेके,रेखा जगताप,लीना बोरकर,जयश्री मडावी, सरस्वती ठाकूर, रजनी वाघाडे,योगिता खडसे,वर्षा मासिकर,मंजुशा हजारे,वर्षा अहरे,सविता चौधरी,कांता कन्नाके,मीना नागदेव,चंदू चौधरी,कौस्तुभ शिर्के,आशिष महल्ले,दत्ता हाडके,संदीप आडे,कृष्णा पुसनाके,प्रा.पंढरी पाठे,सचिन मनवर यासह शेकडो कार्यकर्ते उपस्थित होते.