सह्याद्री चौफेर | वृत्तसंस्था
मारेगाव : महाराष्ट्र शासनाने सर्व सामान्य नागरिकांना वाळू माफक दरात उपलब्ध करून देण्याकरिता वाळुचे उत्खणन, साठवणुक व ऑनलाईन प्रणालीव्दारे विक्री करण्याचा क्रांतीकारी निर्णय घेतला आहे.
त्या अनुशंगांने यवतमाळ जिल्ह्यातील पहिला शासकीय वाळु विक्री केद्रांचे उद्घाटन व वाळू विक्री ऑनलाईन प्रणालीचे लोकार्पण दिनांक 21 मार्च 2024 रोज गुरवारला दुपारी 2 वाजता मारेगाव तहसीलमधील तलाठी वानखेडे यांच्या शुभहस्ते करण्यात आले.
यावेळी मोहम्मद आसीम अन्सारी (सावंगी-संगम वाळु डेपो धारक), भारत काळे किरण मत्ते, राजु सय्यद, व ईतर परिसरातील नागरिक मोठ्या संख्येने उपस्थित होते. मोठ्या आतुरतेने वाट पाहत असलेल्या वाळूचा आज सावंगी (संगम) येथे शुभारंभ झाला आहे.