सह्याद्री चौफेर | वृत्तसंस्था
मारेगाव : काल बुधवार (ता.21) ला नगरपंचायत निवडणुकीत मनसेसह महाविकास आघाडीच्या पक्षाने एकत्र येत सभापतीची सर्व पदे काबीज केली, तर नुकतेच नगरसेवक हेमंत नरांजे यांनी भाजपची साथ सोडून काँग्रेस मध्ये प्रवेश करीत सभापतिपद मिळविले.
मारेगाव येथील 17 सदस्य असलेल्या नगरपंचायत मध्ये कोणत्याही पक्षाला स्पष्ट बहुमत नाही. यावेळी भाजप विरोधात सर्व पक्षांनी एकत्र येत निवडणूक लढण्याची तयारी केली होती. त्यामुळे अल्प मतात असलेला भाजप एकटा पडल्याने त्यांनी निवडणुकीत भाग घेतला नाही. त्यामुळे ही निवडणूक अविरोध झाली.
या निवडीबद्दल सर्व एकत्र आलेल्या पक्षातील नेते, पदाधिकारी व कार्यकर्त्यांनी आणि समर्थकांनी त्यांचे वर अभिनंदनाचा वर्षाव करित पुढील वाटचालीस शुभेच्छा दिल्या.