दिवाळी पर्वावर आज वणी येथे सुमधुर गीतांचा कार्यक्रम

सह्याद्री चौफेर | वृत्तसंस्था 

वणी : दिवाळी पर्व निमित्य दिपोत्सव 2023 सुमधुर गीतांचा सुरेल कार्यक्रम आज दि. 14 नोव्हेंबर ला सायंकाळी 7 वाजता जैताई मंदिर येथे आयोजन करण्यात आले आहे. 

वणी शहरात दीपोत्सव दिवाळी निमित्त गायनाचा कार्यक्रम दर वर्षी प्रमाणे याही वर्षी श्री रंगनाथ स्वामी संगीत कला केंद्र आणि जैताई माता देवास्थान यांच्या संयुक्त विद्यमाने दीपोत्सव 2023 चे आयोजन केले आहे.

या कार्यक्रमात भावगीत, भक्तीगीत, सिनेगीत, अशा वेगवेगळ्या मराठी हिंदी गीतांचा आस्वाद श्रोत्यांना घेता येणार असुन, कार्यक्रमाचे सादरीकरण श्री रंगनाथ स्वामी संगीत कला केंद्र वणी द्वारा करण्यात येत आहे.

आज मंगळवार ला सायंकाळी ठीक 7 वाजता स्थानिक जैताई माता देवस्थान येथे हा कार्यक्रम संपन्न होणार असुन मोठ्या प्रमाणात रसिक श्रोत्यांनी या कार्यक्रमास उपस्थित राहून कार्यक्रमाची शोभा वाढवावी असे आवाहन आयोजकांच्या वतीने केले आहे.