सह्याद्री चौफेर | वृत्तसंस्था
मिळालेल्या माहितीनुसार सदर विवाहित महिला ही गेल्या 6 वर्षांपासून आपल्या पतीपासून विभक्त राहत आहे. असे असताना तिचे शहरालगत असलेल्या गावातील एका (40) वर्षीय तरुणासोबत प्रेमसंबंध जुळले. मात्र, गेल्या काही दिवसांपासून पिडीत त्याच्या संपर्क क्षेत्राच्या बाहेर गेल्याने किंबहुना त्याचा मोबाईल नंबर ब्लॉक केला. यामुळे संतापलेल्या रोमियोने माझा नंबर का ब्लॉक केला? व माझ्याशी का बोलत नाही? म्हणून 25 नोव्हेंबर रोजीच्या रात्री 9 च्या दरम्यान, मद्य धुंदीत पिडितेच्या घरी जाऊन तिला मारहाण करून सामानाची नासधूस करित सामान अस्तव्यस्त केले.
दरम्यान, पिडितेच्या मुलीने मध्यस्थी करण्याचा प्रयत्न केला असता तिलाही मारहाण केली. व त्यांचे फोटो सोशल मिडिया व आप्तेष्टांना सार्वजनिक करण्याची धमकी दिली तसेच त्यांना जीवे मारण्याचीही धमकी दिली. अखेर पिडित महिलेने दिलेल्या तक्रारीवरून सोमवार 27 नोव्हेंबर ला वणी पोलिसांनी रियाज निजाम शेख रा. चिखलगाव याच्या विरुद्ध भादंवी कलम 323, 427, 452, 504, 506 नुसार गुन्हा दाखल केला. या प्रकरणी पुढील तपास वणी पोलीस करीत आहे.