सह्याद्री चौफेर | ऑनलाईन
डॉ. प्रियांका भोयर (खुंटेमाटे) यांचे निधन
वणी- कायर मार्गावर ठेवलेली दुचाकी लंपास
सह्याद्री चौफेर | ऑनलाईन
वणी : वणी परिसरात दुचाकी चोरट्यांनी धुडगूस घातला असून रस्त्याच्या कडेला ठेवलेली दुचाकी अज्ञात चोरट्यांनी लांबवली. वणी- कायर मार्गावर बुधवार (दि. 25) जून रोजी दुपारी दिड ते दोन वाजताच्या दरम्यान ही घटना घडली. याबाबत दुचाकी चोरीची तक्रार वणी पोलिसात दिली आहे.
फिर्यादी सुनील सुभाष वाघडकर (वय 32), रा. गोकुळ नगर वणी हे शेती व्यवसाय करतात. ते नेहमीप्रमाणे बुधवारी सकाळी दहा वाजता आपली दुचाकी क्रमांक MH-29 AV- 6362 घेऊन वाघदरा परिसरात असलेल्या आपल्या शेतात गेले होते. वणी - कायर मार्गावरील खामणकर यांच्या शेताजवळ रस्त्याच्या कडेला त्यांनी आपली डीलक्स कंपनीची मोटारसायकल ठेवून आपल्या शेतात गेले. शेतातील कामे आटोपून दुपारी दिड ते दोन वाजता घराकडे जाण्यासाठी निघाले असता त्यांना आपली दुचाकी दिसून आली नाही.
आजुबाजूला शोध घेऊनही मोटारसायकल मिळून न आल्याने शेवटी सुनील वाघडकर यांनी वणी पोलिस स्टेशन मध्ये कोणीतरी अज्ञात इसमाने दुचाकी चोरून नेल्याची तक्रार दाखल केली. पोलिसांनी अज्ञात चोरट्याविरुद्ध गुन्हा दाखल करुन शोध घेत आहे.
विशेष म्हणजे वणी परिसरात दुचाकी चोरट्यांनी धुडगूस घातला असून पोलिसांनी चोरट्याचा बंदोबस्त करण्याची मागणी जोर धरत आहे.
झाडाला गळफास घेऊन आत्महत्या
सह्याद्री चौफेर | ऑनलाईन
बबन जोगीराम परचाके (अंदाजे वय 40) रा. साखरा असे गळफास घेऊन आत्महत्या केलेल्या व्यक्ती चे नाव आहे.
आज सकाळी 11 वाजताच्या दरम्यान ते घराबाहेर गेले होते. दुपारी दोन वाजताच्या च्या सुमारास बबन यांचा मृतदेह गावशेजारी असलेल्या एका झाडाला गळफास घेतलेल्या स्थितीत मृतदेह त्यांच्या मुलाला आढळला. याबाबत त्याने इतरांना माहिती दिली.
बबन याच्या आत्महत्येचे कारण अद्याप कळले नसून पोलिसांना माहिती मिळताच घटनास्थळाचा पंचनामा केला. बबन यांच्या पाठीमागे दोन मुलं, पत्नी व आई असा बराच मोठा आप्त परिवार आहे.
गीत घोष हे उपेक्षितांच्या हक्कासाठी लढणारे लढवय्ये सैनिक आहेत - ऊत्तम गेडाम
सह्याद्री चौफेर | ऑनलाईन
वणी : गीत घोष हे दलित, आदिवासी, कष्टकरी, शोषित सर्वहारा वर्गाच्या हक्काचे लढाईतील क्रांतिकारी विचारधारेचे नेते असून ते लढवय्ये सैनिक आहे, असे मत माजी शिक्षणाधिकारी मा.उत्तमरावजी गेडाम यांनी गीत घोष यांच्या वाढदिवसानिमित्त आयोजित कार्यक्रमात आपले प्रमुख मार्गदर्शक म्हणून मत व्यक्त केले.
हा वाढदिवसाचा छोटेखांनी कार्यक्रम आदिवासी सोशल फोरम वणी, इतर आदिवासी संघटना यांच्या पुढाकाराने विसावा हाँटेलमध्ये घेण्यात आला. या कार्यक्रमाचे अध्यक्ष मा.गटविस अधिकारी मा.रामदासजी गेडाम सर हे होते तर प्रमुख मार्गदर्शक मा.उत्तमरावजी गेडाम सर आणि प्रमुख पाहुणे म्हणून आदिवासी सो.फो.चे अध्यक्ष मा.रमेशजी मडावी, मा.श्रीकृष्ण मडावी, मा.कैलाजी मेश्राम, मा.संतोषजी चांदेकर, प्रकाशजी सिडाम, प्रशांत डोणेकर यांनीही गीत घोष यांच्या वाढदिवसानिमित्त गीत घोष यांच्या आजपर्यंतच्या चळवळींचा व संघर्षाचा आडावा घेत त्यांच्या दिर्घ आयुष्याची कामना आपल्या भाषणातून व्यक्त केलीत.
या वाढदिवस सोहळ्याचे प्रास्ताविक मा. अजयजी राजगडकर यांनी केले मा.वसंतराजी चांदेकर सर यांनी संचालन केले.सत्काराला उत्तर देताना मा.गीत घोष यांनी सांगितले की,आपण बॅनर वर झळकणारी लोक नसलो तरी या व्यवस्थेच्या छाताडात धडकी भरवून धडकणारे लोक नक्कीच आहोत हे आपण विसरू नका आपसांत कितीही मतभेद असले तरी आपसांत संवाद असणे काळाची गरज आहे, कारण आपण समाजाचे समजदार चेहरे आहोत आणि समाजाला चेहरा विद्रूप करणारी व्यवस्था आज आपल्या समोर आव्हान बनून उभी आहे, हे आपण विसरता कामा नये. आपण माझा वाढदिवस अशा वैचारिक चिंतनाने साजरा केला आहे त्यामुळे मी आपला नक्कीच ऋणी आहे आणि मी आपला आदिवासी समाज संघटित व एकसंध करण्यासाठी माझ्या शेवटच्या श्वासापर्यंत लढत राहिल, या शब्दात बोलून आपला वाढदिवस साजरा करणा-या लोकांची गीत घोष यांनी कृतज्ञता व्यक्त केली आणि आभार मानले. या कार्यक्रमास भगवानभाऊ आत्राम, महेश आत्राम, सुभाष चांदेकर हे प्रामुख्याने उपस्थित होते.
आमदार देरकर यांची भेट घेऊन दिले निवेदन
सह्याद्री चौफेर |ऑनलाईन
मारेगाव : तालुक्यातील आदिवासी भाग म्हणून ओळखल्या जाणाऱ्या बोटोणी परिसरातील गावामध्ये बारमाही आरोग्यविषयक समस्यांचा सामना मोठ्या प्रमाणात करावा लागतात. त्यामुळे बोटोणी परिसरातील गावासाठी प्राथमिक आरोग्य केंद्र (PHC) देण्यात यावे, यासाठी बोटोणी येथील ग्रामस्थ व ग्रामपंचायत पदाधिकाऱ्यांनी आमदार संजय देरकर यांची भेट घेऊन निवेदन दिले.
चार शाळा, पाच उपकेंद्र छोटया मोठ्या गावांचे बाजारपेठ बोटोणी येथे आहेत. पूर्ण गावे पेसा अंतर्गत गावे आहेत.मात्र, परिसरातील अनेक गावे मार्डी प्राथमिक केंद्राला जोडलेली आहेत. तेथे जाण्यासाठी येथील नागरिकांना तालुका ओलांडून शेवटच्या टोकाला जावे लागत असून बोटोणी परिसरात आरोग्य सुविधांचा अभाव असल्याने यासाठी सन 2010 पासून प्रशासनाकडे मागणी केली जात आहे. वारंवार पाठपुरावा करूनही दुर्लक्षित होत असल्यामुळे परत सोमवार दि. 23 जून रोजी आमदार देरकर यांच्याशी 100 टक्के प्रयत्न करण्यासाठी चर्चा केली.
यावेळी बोटोणी येथील सरपंच प्रवीण वनकर, ग्राम. सदस्य मंगेश उईके, महादेव सिडाम, दिलीप उईके आदी उपस्थित होते.
दिवाकर नामदेवराव सातपुते यांची शिवसेना मारेगाव सचिव पदी नियुक्ती
सह्याद्री चौफेर | ऑनलाईन
आमदार संजय देरकर यांनी पुढाकार घेऊन तालुक्यातील नवीन जुन्या फळीतील कार्यकर्त्यांवर जबाबदारी देण्याचं मोठं कार्य उचलल्याने आगामी स्थानिक स्वराज्य संस्थांच्या निवडणूक सहज काबीज करण्यात या नवनिर्वाचित पदाधिकाऱ्यांचा मोठा हातखंडा असणार आहे. त्यांच्या निवडीने कार्यकर्त्यांमध्ये उत्सहाचे वातावरण असून तालुका सचिव श्री सातपुते यांच्या पुढील वाटचालीस शुभेच्छांचा वर्षाव होत आहे.
विभाग प्रमुख ते तालुका सचिव - दिवाकर सातपुते
2002 पासुन शिवसेनेत, ग्रामपंचायत उपसंरपच, सतत चार वेळा सदस्य, घरकुलसाठी उषोषण, ग्रामपंचायत सचिव भ्रष्टाचार, पाणी टंचाई प्रश्न, बोगस कामे उघड, तसेच गोरगरीबांची कामे, अडल्या नडल्याची शासकीय कामात मदत, व शिवसेना मार्डी -कुभा विभाग प्रमुख, पद सुद्धा भूषविले आहेत.
सचिन पचारे शिवसेना मारेगांव संपर्क प्रमुख पदी नियुक्त
सह्याद्री चौफेर | ऑनलाईन
विशेष उल्लेखनीय की, पक्षाचा कार्यकर्ता असो किंवा सर्वसामान्य नागरिक असो, त्याच्या समस्येप्रसंगी हक्काने धावून जाणारा शिवसैनिक म्हणून त्यांनी आपल्या कामाचा वेगळा ठसा उमटविला आहे. नुकतेच त्यांनी घरकुल लाभार्थ्यांना दर्जेदार वाळू मिळावी यासाठी उपोषण केले होते.त्यांच्या मागणीला यशही मिळाले. अशा अनेकानेक त्यांच्या केलेल्या कामाची पोचपावती फळास आली असावी बोलल्या जातं.
श्री पचारे यांच्या नियुक्तीमुळे संघटनेच्या संपर्कात सुधारणा होईल आणि पक्ष अधिक वाढवता येईल, अशा भावना आगामी स्थानिक स्वराज्य संस्थांच्या निवडणूकीच्या अनुषंगाने त्यांच्या समर्थकातून व्यक्त होत आहे.
नवनिर्वाचित संपर्क प्रमुख सचिन पचारे यांचा सत्कार
मंगळवार दि. 24 जून रोजी वणी येथील वसंत जिनींग सभागृहात शिवसेनेच्या वतीने नवनियुक्त पदाधिकाऱ्यांचा सत्कार सोहळा आयोजित करण्यात आला होता. नवनिर्वाचित संपर्क प्रमुख सचिन पचारे यांचा आमदार संजय देरकर यांनी सत्कार केला व पुढील वाटचालीस शुभेच्छा दिल्या. यासत्कार सोहळ्यात वणी मारेगाव झरी तालुक्यातील नव्या जबाबदाऱ्या स्वीकारलेल्या सर्व कार्यकर्त्याचे अभिनंदन करण्यात आले.
पुरुषोत्तम बुटे यांची शिवसेना मारेगाव तालुका प्रमुख पदी नियुक्ती
सह्याद्री चौफेर | ऑनलाईन
यामध्ये शिवसेनेचे निष्ठावंत शिवसैनिक पुरुषोत्तम बुटे यांची मारेगाव तालुका प्रमुख पदी नियुक्ती करण्यात आली आहे. त्यांच्या या निवडीचे श्रेय ते विद्यमान आमदार संजयभाऊ देरकर यांना देत असून गेल्या तीस वर्षांपासून बुटे हे शिवसेना पक्षात इमाने इतबारे काम करतहेत. पक्षात किती आले आणि गेले. मात्र त्यांनी पक्षप्रमुख उद्धव ठाकरे यांची साथ सोडली नाही, ते आजही कायम सोबत राहून पक्षासाठी निष्ठेने प्रामाणिकपणे काम करत आहे. त्याचीच फलश्रुती म्हणून त्यांना मारेगाव तालुक्याची धुरा देण्यात आली आहे असं बोलल्या जातं.
या निवडीबाबत त्यांचेवर अभिनंदनाचा वर्षाव होत असून पुढील वाटचालीस शुभेच्छा दिल्या जात आहे. तालुका प्रमुख श्री पुरुषोत्तम बुटे यांनी सर्व नवनिर्वाचित शिवसेनेचे पदाधिकारी, महिला पदाधिकारी, कार्यकर्ते व तसेच मित्र परिवारांचे आभार मानले.
 |
| पुरुषोत्तम बुटे यांचे मारेगाव तालुका प्रमुख पदी नियुक्ती झाल्याबद्दल अभिनंदन करताना आ. संजय देरकर व पदाधिकारी |
बायोमेडिकल वेस्ट मॅनेजमेंट या विषयावर कार्यशाळा संपन्न
सह्याद्री चौफेर | ऑनलाईन
वणी : इंडियन मेडिकल असोसिएशन वणी व सुपर्ब हायजेनिक डिस्पोजल प्रायव्हेट लिमिटेड चंद्रपूर यांच्या संयुक्त विद्यमाने आज दिनांक 21 जून 2025 रोजी लोढा मल्टीस्पेशालिटी हॉस्पिटल वणी येथे विविध रुग्णालयातील आरोग्य सेवक व सेविका यांचे करिता बायोमेडिकल वेस्ट मॅनेजमेंट या विषयावर एक विशेष प्रशिक्षण कार्यशाळा आयोजित करण्यात आली होती.
या कार्यशाळेत श्री.निशांत सोनटक्के व श्रीमती विथीका वैद्य यांनी बायोमेडिकल वेस्ट मॅनेजमेंट या विषयावर सर्वांना ईत्यंभुत माहिती दिली. तसेच उत्स्फूर्तपणे सर्वांना मार्गदर्शन दिले. या कार्यशाळेला आयएमएचे पदाधिकारी तसेच होमिओपॅथी असोसिएशन व आयुर्वेदिक असोसिएशन यांचे सर्व डॉक्टर मंडळी उपस्थित होते. आयोजित या कार्यशाळेला जवळपास 80 ते 90 स्टाफ नर्सेस हॉस्पिटल कर्मचारी व डॉक्टर्स प्रामुख्याने उपस्थित होते.सर्व उपस्थितांचे मनःपूर्वक आभार आयोजकांच्या वतीने माणण्यात आले.
ही कार्यशाळा यशस्वी करण्यासाठी इंडियन मेडिकल असोसिएशन वणीचे डॉ. शिरीष कुमारभार, डॉ. सुनील जुमनाके, डॉ.संकेत अलोणे, डॉ. स्वप्नील गोहोकार यांसह असोसिएशनचे पदाधिकाऱ्यांनी मेहनत घेतली.
सगणापूर शाळेत नवागतांचे स्वागत...
मारेगाव : 23 जून रोजी शाळेचा पहिला दिवस असल्याने सर्वत्र विद्यार्थ्यांचे स्वागत होत असताना सगणापूर (ता. मारेगाव) येथील जिल्हा परिषदेच्या प्राथमिक शाळेत नवागतांचे मोठ्या उत्साहात स्वागत करण्यात आले. यावेळी शाळेच्या पहिल्या दिवशी विद्यार्थ्यांना शालेय पाठ्यपुस्तके, खाऊंचे वाटप करण्यात आले.दि. 23 जून 2025 ला सर्व शाळेतील विद्यार्थी यांचा शाळेचा प्रारंभ दिन चैतन्यमय आणि उत्साह वर्धक तयार होण्यासाठी नव्याने प्रवेशित होणा-या विद्यार्थ्यांना डॉ मनिष मस्की यांचे हस्ते पाठयपुस्तके वितरित करण्यात आले.
यावेळी डॉ.मनीष तुळशीराम मस्की, शाळेचे मुख्याध्यापक गौरव चिकाटे, अनिल मडावी सर, सुजाता मेश्राम मॅडम,सौ. नेहा मनीष मस्की, तसेच गावातील प्रतिष्ठित नागरिक संतोष भाऊ मते, चि.भार्गव मनीष मस्की आणि शाळेतील विद्यार्थी व सर्व पालक उपस्थित होते.
शाळा प्रवेशोत्सव हा कार्यक्रम अतिशय छान उपक्रम
शाळेचा पहिला दिवस हा आनंददायी असतो. शाळेचे असे आनंददायी वातावरण पाहुण त्यावेळेच्या आठवणी जागी झाल्या, शाळा प्रवेशोत्सव हा कार्यक्रम अतिशय छान उपक्रम आहे.सगणापूर शाळेत हा कार्यक्रम आयोजित करण्यात आला आणि मला त्यामध्ये सहभागी होता आले याच मला आनंद वाटतो, असं "सह्याद्री चौफेर"शी बोलताना डॉ. मनीष मस्की म्हणाले.
नगरपरिषदेने रस्त्याच्या कडेला असलेल्या वृक्षावर चढवला बुलडोजर; पर्यावरणप्रेमींची तीव्र नाराजी
सह्याद्री चौफेर | ऑनलाईन
वणी : शहरातील नांदेपेरा मार्गावरील रस्ते रुंदीकरणाच्या कामाच्या पार्श्वभूमीवर वणी नगरपरिषदेकडून झाडांची बेकायदेशीर तोड करण्यात आल्याचा गंभीर आरोप पर्यावरणप्रेमींनी केला आहे. महाराष्ट्र (शहरी भागांतील) झाडांचे संरक्षण अधिनियम, 1975 अंतर्गत आवश्यक असलेल्या प्रक्रिया न पाळता ही झाडतोड करण्यात आल्याने नागरिकांमध्ये तीव्र संताप व्यक्त केला जात आहे.
या प्रकरणी उपविभागीय अधिकारी , वणी यांच्याकडे तात्काळ चौकशी व कारवाईची मागणी करणारे निवेदन देण्यात आले आहे. निवेदनात नमूद केल्याप्रमाणे, झाडतोडीपूर्वी 'झाड संरक्षण समिती'कडून कोणतीही परवानगी घेण्यात आलेली नाही, तसेच परिसरात कोणतीही सार्वजनिक सूचना न प्रसिद्ध करता ही कृती गुपचूप करण्यात आली आहे.
याशिवाय, नागरिकांच्या हरकती व सूचनांसाठी कोणताही खुला कालावधी न देता, पर्यायी वृक्षलागवडीचा आराखडा न सादर करता केलेली झाडतोड ही कायद्याचे उल्लंघन असून पर्यावरणीय समतोल धोक्यात आणणारी आहे, असे पर्यावरण कार्यकर्त्यांचे म्हणणे आहे.
या पार्श्वभूमीवर, भविष्यात अशा बेकायदेशीर कारवायांना आळा बसावा यासाठी सर्व स्थानिक स्वराज्य संस्थांना स्पष्ट मार्गदर्शक सूचना देण्यात याव्यात व निर्णय प्रक्रियेत नागरिकांचा सक्रिय सहभाग सुनिश्चित करण्यात यावा, अशीही मागणी करण्यात आली आहे.
रस्त्याला कोणाचाही विरोध नाही
वणी नांदेपेरा या मार्ग नव्याने बांधल्या जात आहे. या रस्ता बांधकामाला कोणत्याही नागरिकांचा विरोध नाही. वृक्ष तोड न करता राज्यातील अनेक शहरामध्ये रस्ता बांधकाम केले आहे. तसेच जे वृक्ष आज हिरवीगार छाया देत आहे. ते वृक्ष शहरातील वृक्ष संवर्धन समितीने मोठ्या परिश्रमाने लागवड करून त्याचे संगोपन केले आहे. आज या वृक्षाची स्थिती जे आहे त्यासाठी मागील १५ ते २० वर्षाचे कष्ट आहे. ते वृक्ष असे विकासाच्या नावाखाली तोड करीत असेल आणि पर्यावरणाचा ऱ्हास करीत असेल तर हे खपवून घेतल्या जाणार नाही. काही लोक रस्त्याला विरोध म्हणून अफवा पसरवत आहे अश्या संधिसाधू लोकांपासून नागरिकांनी सावधान रहावे असे आवाहन सागर मुने यांनी केले आहे. निवेदन देतांना अभिषेक जगताप, अशोक राऊत, प्रज्योत ताकसंडे, पंकज कोल्हे व नागरिक उपस्थित होते
दिवंगत राजकुमार जयस्वाल यांच्या निवास्थानाला पंडित प्रदीप मिश्रा यांची भेट
वणी : केदारनाथ जवळील गौरीकुंड येथे झालेल्या हेलिकॉप्टर क्रॅश दुर्घटनेत सात लोकांचा मृत्यू झाला होता. यात वणी येथील जयस्वाल परिवाराचाही समावेश होता. राजा जयस्वाल, श्रद्धा राजा जयस्वाल आणि त्यांची दोन वर्षाची मुलगी काशी हिचा करून अंत झाला होता. सात भाविकांच्या मृत्यू ची घटना अत्यंत दुर्दैवी आणि वेदनादायी होती. राजा जयस्वाल यांनी मागील वर्षी प्रथमच वणी येथे शिव पुराण कथेचे पंडित प्रदीप मिश्रा यांच्या उपस्थितीत आयोजन केले होते. जयस्वाल दांपत्याचा या हेलिकॉप्टर दुर्घटनामध्ये अपघात झाला, अशी बातमी कळल्यानंतर त्यांनी काल सोमवारी सायंकाळी जयस्वाल परिवाराची सांत्वनपर भेट घेऊन श्रद्धांजली वाहिली. यावेळी त्यांना अश्रू अनावर झाले, या दुःखद क्षणी ते क्षणभर निशब्द झाले. आम्ही शिवभक्त गमावल्यामुळे अशा कठीण परिस्थितीतून जयस्वाल परिवार जात असताना पंडित यांनी मृतकांच्या आत्म्यास शांती लाभावी अशी जड अंतःकरणाने प्रार्थना केली. यावेळी जयस्वाल मित्र परिवार आणि शहरातील इतर मान्यवर उपस्थित होती.
शाळेच्या पहिल्याच दिवशी गणवेश व पाठ्यपुस्तके वाटप
मारेगाव : शैक्षणिक सत्र 2025-26 आज सोमवार 23 जून पासून सुरु झालेले आहे. शाळेच्या पहिल्या दिवशी गणवेश वाटप हा विद्यार्थ्यांसाठी एक महत्वाचा दिवस असतो. शासनाच्या वतीने पहिली ते आठवीच्या विद्यार्थ्यांना मोफत गणवेश दिला जातो.
कोसारा येथील जिल्हा परिषद शाळेच्या वतीने शाळेचा पहिला दिवस म्हणून नवगताचे उत्सहात स्वागत केले व पहिल्याच दिवशी विद्यार्थ्यांना गणवेश व पाठयपुस्तके, बुक वाटप केले आहे.
यावेळी शाळा सुधारक समिती अध्यक्ष सुभाष दादाजी खडसे, उपाध्यक्ष निलिमाताई दिनकर, कोसारा ग्रामपंचायत सरपंचा छायाताई खाडे, मुख्याध्यापिका बाभळे मॅडम, वेनू शाम, बाभळे सर, उपस्थित होते.
आज शाळेच्या प्रथमदिनी गणवेश व पाठयपुस्तके मिळाल्यानंतर विद्यार्थ्यांमध्ये एक वेगळाच आनंद पहायला मिळत होता. विद्यार्थ्यांना गणवेश मिळाला की त्यांचा शाळेत येण्याचा उत्साह वाढतो,अशा प्रतिक्रिया उपस्थित मान्यवरांनी या प्रसंगी व्यक्त केल्या.
दरम्यान शाळेची रंगरंगोटी व विविध रंगबिरंगी फुग्यांची सजावट ही आकर्षणाच्या केंद्रस्थानी होती.
माथार्जुन ग्रामपंचायत कार्यालयात शिक्षकांची सभा संपन्न
सह्याद्री चौफेर| योगेश मडावी
सभेमध्ये संपूर्ण शिक्षक हजर होते माननीय सरपंच श्री रवींद्र कायतवार यांनी मुख्याध्यापक व शिक्षकांना विनंती सूचना देण्यात आल्या की विद्यार्थ्यांमध्ये बौद्धिक व गुणवत्ता वाढली पाहिजे व आपल्या त्यांना चागल्या प्रकारचे आहार शाळेमध्ये देण्यात यावे व शाळेमध्ये कोणत्याही साहित्य भांडार यांची कमतरता असल्यास ग्राम पंचायतला सुचवावे सरपंच या नात्याने आपल्या शाळेला साहित्य भांडार पुरवण्याचा प्रयत्न करीन असे सांगिले.
शिक्षकांनी आपल्या शाळेच्या साहित्या भंडारा विषयी माहिती दिली व या सभेमध्ये उपस्थित शासकीय आश्रम शाळेचे मुख्याध्यापक अविनाश मोरे सर. कनिष्ठ महाविद्यालयाचे प्राचार्य चिंतावार सर, डॉ.बाबासाहेब आंबेडकर आदर्श जिल्हा परिषद शाळेचे मुख्याध्यापक संजय शहारे सर, टिंगणे सर,संपूर्ण जिल्हा परिषद शाळेचे मुख्याध्यापक विलास किनाके सर,नानू मेश्राम सर, राजू सिडाम सर, चव्हाण सर, धोटे सर,व अंगणवाडी सेविका लता सिडाम,संगीता मेटकर, पुणेश्वरी कुमरे, कोहचाडे मॅडम, तंटामुक्ती अध्यक्ष नागोरावजी दडांजे,सामाजिक कार्यकर्ता शफिभाई शेख, मा.श्री.सरपंच यांचे स्वीय सहाय्यक तथा पत्रकार योगेश मडावी हे उपस्थित होते.
विजय बाबु चोरडिया मित्र परिवारातर्फे वरून राजाला साकडे
सह्याद्री चौफेर | ऑनलाईन
वणी : कपाशीची लागवड अन् सोयाबीनच्या बहुतांश पेरण्या आटोपल्या असून शेतकऱ्यांना सध्या पावसाची प्रतिक्षा आहे. पावसाच्या आगमनासाठी शेतकरी वरुणराजाकडे आर्तहाक घालत असल्याचे दिसून येते. यातच वणी शहरातील उद्योजक, सामाजिक कार्यकर्ते श्री विजय चोरडिया यांनी आज रविवारी सकाळी ११ वाजता 'देवाकडे साकडे घातले की बळीराजाला सुखी समाधानी ठेव.' यासाठी शहरातील मोठी कमान चौक येथील आपल्या पारसमल प्रेमराज या प्रतिष्ठान समोर नागरिकांना मसाला चने वाटप केले आहे.
गेल्या सात ते आठ दिवसाआधी झालेल्या पावसामुळे बहुतांश शेतकऱ्यांनी कपाशी, तूर आणि सोयाबीनच्या पेरण्या उरकल्या. परंतु तेव्हापासून अचानक पावसाने हुलकावणी दिल्याने शेतकऱ्यांसमोर दुबार पेरणीचे संकट घोंगावत आहे. ज्यांच्याकडे ओलीताची सोय आहे ते शेतकरी कसेबसे पीक वाचवण्यासाठी धडपडत आहे, तर दुसरीकडे कोरडवाहू शेतकऱ्यांची संपूर्ण भिस्त ही वरुणराजावरच आहे. त्यामुळे रुसलेल्या वरुणराजाला प्रसन्न करण्यासाठी सामाजिक कार्यकर्ते विजय चोरडिया यांनी रविवारी मसाला चने वाटप करुन वरुणराजाकडे पावसासाठी एकप्रकारे साकडेचं घातले.
आंतरराष्ट्रीय योगदिन उत्साहात वणी येथे
सह्याद्री चौफेर | ऑनलाईन
आंतरराष्ट्रीय योग दिनाचे प्रोटोकॉलनुसार प्रार्थना, शरीर संचलन,विविध प्रकारची 15 आसने, कपालभाती , विविध प्राणायाम, ध्यान यावेळी घेण्यात आले.
वणी : आंतरराष्ट्रीय योग दिवस हा दरवर्षी २१ जून रोजी जगभरात साजरा केला जातो. याच अनुषंगाने भारत स्वाभीमान, महिला पतंजली योग समिती यांचे तर्फे अकरावा आंतरराष्ट्रीय योगदिन एसबी लॉन वणी येथे मोठ्या उत्साहात पार पडला. यावेळी माजी आमदार संजीवरेड्डी बोदकुरवार व सामाजिक कार्यकर्त्या सौ.किरणताई देरकर यांचे हस्ते दीपप्रज्वलन करून कार्यक्रमाला सुरुवात करण्यात आली.
प्रास्तावीकेतुन शासनाच्या दहा कार्यक्रमाची माहिती देऊन प्रा.महादेव खाडे यांनी योग दिनाच्या प्रोटोकॉल नुसार कार्यक्रमाचे संचालन केले तर, योग शिक्षक लक्ष्मण इद्दे, रमेश बोबडे, जयप्रकाश राजुरकर सौ.माया माटे, विद्या दहेकर, वनिता क्षिरसागर यांच्या आदर्श प्रात्यक्षिकातून उपस्थित योगसाधकांनी प्रात्यक्षिक केले.
यावेळी झालेल्या योग दिन कार्यक्रमाचे विशेष आकर्षण म्हणजे सौ.ममता श्रीवास्तव , सौ.कुंदा सावसाकडे व सौ.माया माटे यांचे प्रमुख मार्गदर्शनाखाली महिलांनी देशप्रेम, सिंदुर ऑपरेशन वर आधारीत योगनृत्य सादर केले. तर सौ.रेखा बोबडे व सौ.सुषमा मोहितकर यांनी 'साॅसो क्या भरोसा' हे मार्मिक गीत गायन केले.
संकल्प वाचन श्री.दिगंबरराव गोहोकर यांनी करुन श्री.वसंतराव उपरे यांनी शांतीपाठ घेतला. उद्घाटन कार्यक्रमाचे संचालन सौ.स्वप्ना पावडे यांनी केले व आभारप्रदर्शन श्री.नामदेवराव जेनेकर यांनी केले. यावेळी योग दिन कार्यक्रमास हजर राहुन वणी शहरातील अनेक योगसाधक व विद्यार्थी यांनी यांचा सहभाग घेतला.कार्यक्रम यशस्वी करण्यासाठी नियमित सर्व योग शिक्षक व योग साधकांनी उत्स्फूर्तवर्धक सहकार्य केले.
धामणी शेत शिवारात गळफास घेऊन आत्महत्या
मारेगाव : तालुक्यात आत्महत्याची धग कायम दिसून येत आहे, नवरगाव धरण येथील घटना ताजी असताना आता धामणी येथे एका व्यक्तीने शेतात गळफास लावून आत्महत्या केली. आज शनिवार ला सकाळी सहा वाजताच्या सुमारास ही घटना उघडकीस आली.
श्रीराम आत्माराम शिवरकर (55) रा.धामणी, असे गळफास घेऊन आत्महत्या केलेल्या व्यक्तीचे नाव आहे.त्यांनी गावातीलच एका शेतकऱ्याच्या शेतात गळफास घेतला.
श्रीराम हे गेल्या अनेक दिवसापासून आजारपणात होते,ते नागपूर तर कढी सावंगी (मेघे) येथे उपचार घेत असल्याचे समजते. ते आजाराने त्रस्त असल्याने त्यांनी जीवनाचा शेवट केला असावा असा कयास लावला जात आहे.
मात्र,श्रीराम यांनी इतके टोकाचे पाऊल का उचलले हे अद्याप तरी अस्पष्ट आहे. घटना स्थळाचा पंचनामा करून मृतदेह उत्तरीय तपासणी करिता ग्रामीण रुग्णालय मारेगाव येथे पाठविण्यात आला. मृतकाच्या पाठीमागे पत्नी, एक मुलगा, दोन विवाहित मुली, व नातवंड असा बराच मोठा आप्त परिवार असून पुढील तपास मारेगाव पोलिस करीत आहे.
अज्ञात वाहणाच्या धडकेत दुचाकीस्वार ठार
वणी : अज्ञात वाहनाच्या धडकेत एका व्यक्तीचा घटनास्थळी मृत्यू झाला आहे. ही घटना आज शनिवारी सकाळी साडेसहा वा. सुमारास वणी-कायर मार्गांवर घडली. त्यांच्या अकाली निधनाने परिसरात हळहळ व्यक्त होत आहे.
अमर रतन करसे (अं. वय 45) रा. सेवानगर ता, वणी असं अपघातात ठार झालेल्या व्यक्तीचे नाव आहे.
अमर करसे हे झरी (जामणी) रुग्णालय येथे कर्मचारी म्हणून कार्यरत होते, ते कर्तव्य आटपून घरी परतत असतांना वणी-कायर मार्गांवरील एका बिअर बार जवळ त्यांच्या दुचाकीला एका अज्ञात वाहनाने धडक दिल्याने चक्क्याखाली चिरडून भीषण अपघात झाला, त्यात त्यांचा जागीच मृत्यू झाला. या घटनेने करसे कुटुंबियावर दुःखाचे डोंगर कोसळले आहे.
मृतक अमर त्यांच्या पाठीमागे पत्नी व दोन मुले असा आप्त परिवार आहे.पोलिस या प्रकरणी अज्ञात वाहन चालकाचा शोध घेत आहे.
लोहार समाज संघटना तर्फे गुणवंत विद्यार्थ्यांचा सत्कार
सह्याद्री चौफेर | ऑनलाईन
वणी : नुकताच उच्च माध्यमिक शालांत परीक्षेचा निकाल जाहीर झाला असून वणी शहरातील लोहार समाजातील गुणवंत विद्यार्थ्यांचा सत्कार संघटनेच्या वतीने करण्यात आला आहे.
नुसाबाई चोपणे विद्यालयाची विद्यार्थिनी कु. रूपाली प्रविणा दशरथ गिरटकर हिने 90.40 टक्के गुण घेत प्रावीण्य मिळविले आहे तसेच लाॅयंस काॅंव्हेंट चे विद्यार्थी सारांश शितल जयंत गाताडे 74 टक्के व अनुष्क शितल जयंत गाताडे 73.60 टक्के घेऊन उत्तीर्ण झाले.
लोहार समाज संघटना वणी तर्फे समाजातील या सर्व विद्यार्थ्यांचा पुष्प गुच्छ व गिफ्ट देऊन सत्कार करण्यात आला व पुढील वाटचाली साठी शुभेच्छा दिल्या गेल्या. या अनुषंगाने पालकांनी संघटनेचे आभार मानले आहेत. यावेळी बंडू निंदेकर, नितीन धाबेकर, शिरीष क्षिरसागर, जयंत गाताडे, राहुल चट्टे, रवी गाताडे, संदिप वाघाडे, प्रशांत सोनटक्के, संतोष सावरकर, निलेश सोनटक्के, आकाश खंडाळकर व नामदेव गिरटकर व परीवार उपस्थित होता.
दुचाकीला भरधाव जाणाऱ्या अज्ञात वाहनाची धडक
सह्याद्री चौफेर | ऑनलाईन
मारेगाव : करंजी-मारेगाव या राज्य महामार्गावर एका अज्ञात वाहनाने दुचाकीस्वाराला जबर धडक दिली. यात दुचाकीस्वार गंभीर जखमी झाल्याची घटना आज (ता.20) रोज शुक्रवारला 4 वाजताच्या सुमारास घडली.
अमित भास्कर दर्वे (वय अंदाजे 24 वर्षे) रा.महागाव (सिंधी) असे अपघातात गंभीर जखमी झालेल्या युवकाचे नाव आहेत. अमित हा आज सकाळी महागाव येथून काही कामानिमित्त तालुक्याच्या ठिकाणी आला होता. तेथील काम आटोपून तो दुपारी चार वाजता सुमारास स्वगावी महागाव (सिंधी) येथे जाण्याकरिता निघाला, पण रस्त्यातच भरधाव जाणाऱ्या अज्ञात वाहनाने त्याच्या दुचाकीला जबर धडक दिली,यात त्याच्या डोक्याला व पायाला गंभीर इजा झाली.
रस्त्याने ये-जा करणाऱ्या काही नागरिकांनी सदर घटनेची माहिती मारेगाव पोलिसांना दिली.माहिती मिळताच पोलीस लगेच घटनास्थळी दाखल झाले व त्याला प्राथमिक उपचारासाठी ग्रामीण रुग्णालय मारेगाव येथे दाखल करण्यात आले. पण तेथील डॉक्टरांनी प्राथमिक उपचार करून त्याला पुढील उपचारार्थ यवतमाळ येथे रवाना करण्यात आल्याची माहिती आहे. सदर अपघाताचा पुढील तपास मारेगाव पोलीस करीत आहे.
आज 20 जून शेवटचा दिवस, त्वरा करा...
सह्याद्री चौफेर | ऑनलाईन
वणी : आज 20 जून हा शेवट चा दिवस आहे. सेल नाही संस्कृती खरेदी करा! नवीन आकर्षक खादी कॉटन डिजाईन खास सवलत. फक्त याच खादी कॉटन महोत्सव मध्येच. आजच भेट द्या आपल्या जवळच्या जैताई मंदिर, वणी येथील सेलला आणि स्वस्तात दर्जेदार खादी चे कपडे खरेदी करा!
वणी रेल्वे स्थानकावर निशुल्क जलसेवा उपक्रमाचा यशस्वी समारोप
सह्याद्री चौफेर | ऑनलाईन
यावेळी खासदार प्रतिभाताई धानोरकर, आमदार संजय देरकर, माजी आमदार संजीवरेड्डी बोदकुरवार, पणन महासंघाचे संचालक संजय खाडे, महावीर बहुउद्देशीय सेवाभावी संस्थेचे अध्यक्ष अशोक भंडारी, वणी रेल्वे स्थानक प्रबंधक प्रेमकुमार रंजन हे उपस्थित होते.
कार्यक्रमाच्या सुरुवातीला अहमदाबाद येथे विमान अपघातात मृत नागरिकांच्या आत्मांच्या शांतीसाठी दोन मिनिट मौन श्रद्धांजली वाहण्यात आली. त्यानंतर पुढील कार्यक्रमाला सुरुवात केली. समारोप व सत्कार कार्यक्रमाचे सूत्रसंचालन आनंद झामड यांनी केले. प्रस्ताविक अध्यक्ष अशोक भंडारी यांनी मांडले तर, आभारप्रदर्शन दीपक छाजेड यांनी केले.
या समारोप व सत्कार प्रसंगी मुख्य अतिथी म्हणून उपस्थित असलेल्या खासदार प्रतिभाताई धानोरकर म्हणाल्या की,उन्हाळ्यात तहानलेल्या रेल्वे प्रवाश्यांना त्यांच्या डब्ब्याजवळ जाऊन थंड व शुद्ध पिण्याचे पाणी पाजण्याचे महावीर सेवाभावी संस्थेचे हे उपक्रम खरोखर स्तुतनीय आहे. खरं तर प्रवाशांसाठी पिण्याच्या पाण्याची सुविधा उपलब्ध करण्याचे कर्तव्य रेल्वे विभागाचे आहे. परंतु वणी येथील महावीर सेवाभावी संस्था ही कर्तव्य पार पाडत आहे. असे बहुमोल कार्य महावीर बहुउद्देशीय सेवाभावी संस्थेतर्फे केले जातं आहे त्यांचे कार्य असेच सुरु सैदव राहोत. आमदार संजय देरकर यांनी सुद्धा जलसेवा उपक्रम चालविण्याबद्दल महावीर सेवाभावी संस्थेचे कौतुक केले. रेल्वे स्थानकावर प्रवाशांसाठी पिण्याच्या पाण्याची स्थायिक व्यवस्थेवर भर देत त्यांनी जलसेवा उपक्रमासाठी आमदार निधीतून आवश्यक ती मदत करण्याची ग्वाही दिली. तर माजी आमदार संजीवरेड्डी बोदकुरवार यांनी रेल्वे स्थानकावर जलसेवा उपक्रमात हिरीरीने निस्वार्थ सेवा देणाऱ्या सर्व स्वयंसेवकांचे कौतुक केले.तर इतरही उपस्थित मान्यवरांनी या कार्याचे भरभरून कौतुक केले, अशाप्रकारे महावीर बहुद्देशीय सेवाभावी संस्थेची निःशुल्क जलसेवा स्तुत्य उपक्रमाची सांगता मोठ्या थाटात पार पडली.
या प्रसंगी निःशुल्क जलसेवा उपक्रम समारोप व सत्कार समारंभात रेल्वे प्लेटफार्म वर 'जलसेवा' देणाऱ्या स्वयंसेवकांचे उपस्थित मान्यवरांचे हस्ते सन्मान चिन्ह देऊन सत्कार करण्यात आला.हे विशेष...
चंद्रपूर शहर काँग्रेस सोशल मीडिया प्रभारी पदी दीपक कटकोजवार यांची नियुक्ती
सह्याद्री चौफेर | ऑनलाईन
चंद्रपूर : चंद्रपूर शहर जिल्हा काँग्रेस सोशल मीडिया प्रभारी पदी सक्रिय कार्यकर्ते दीपक कटकोजवार यांची नियुक्ती महाराष्ट्र प्रदेश काँग्रेस सोशल मीडिया च्या पूर्व विदर्भाचे प्रभारी सुमित लोणारे यांनी केली असून नियुक्तीचे पत्रही पाठविले आहे.
या आपल्या नव्या नियुक्तीकरिता सहकार्य केल्याबद्दल दीपक कटकोजवार यांनी विधिमंडळ पक्षनेते आमदार विजय वडेट्टीवार, जिल्ह्याच्या खासदार प्रतिभाताई धानोरकर, जिल्हा काँग्रेस कमेटीचे अध्यक्ष व माजी आमदार सुभाष धोटे, शहर जिल्हा काँग्रेस अध्यक्ष रितेश तिवारी, जिल्हा काँग्रेस चे माजी अध्यक्ष विनायक बांगडे, सुभाषसिंह गौर, प्रदेश काँग्रेस महासचिव विनोद दत्तात्रेय, माजी प्रदेश सचिव सौ. सुनिताताई लोढीया, शहर जिल्हा काँग्रेस चे माजी अध्यक्ष नंदू नागरकर, चंद्रपूर विधानसभा उमेदवार प्रवीण पडवेकर, माजी महापौर सौ.संगीताताई अमृतकर आदी मान्यवर नेत्यांचे आभार मानले आहे.
भारतीय जनता पक्षात शेकडो नागरिकांचा उत्स्फूर्त प्रवेश
मारेगाव : देशाचे लोकप्रिय पंतप्रधान मा. नरेंद्र मोदी, मुख्यमंत्री मा.देवेंद्र फडणवीस, आणि प्रदेशाध्यक्ष मा.चंद्रशेखर बावनकुळे, कार्यकारी अध्यक्ष मा.रवींद्र चव्हाण व वणी विधानसभा क्षेत्राचे माजी आमदार संजीव रेड्डी बोदकुरवार यांच्या मजबूत आणि विकासाभिमुख नेतृत्वावर विश्वास ठेवून मारेगाव तालुक्यातील अनेक गावांतील नागरिक, सामाजिक क्षेत्रात कार्य करणारे असंख्य मान्यवर, आणि कार्यकर्ते भारतीय जनता पक्षात आज जाहीर प्रवेश केला आहे.
कुंभा येथील सांस्कृतिक भवनात वणी विधानसभा क्षेत्राचे विकासपुरुष, माजी आमदार संजीव रेड्डी बोदकुरवार यांच्या प्रमुख उपस्थितीत प्रवेश करणाऱ्या प्रत्येक मान्यवराचा भाजपाचा दुपट्टा घालून पक्षात सन्मानपूर्वक स्वागत करण्यात आले. दुसऱ्यांदा भाजपाच्या मारेगाव तालुका अध्यक्ष पदी विराजमान झालेले श्री अविनाश लांबट यांच्या कार्यावर प्रेरित होऊन सर्वांनी प्रवेश केला,या प्रसंगी लांबट यांनी सर्व नवप्रवेशितांना जनसेवेच्या भविष्यातील वाटचालीसाठी शुभेच्छा दिल्या. यावेळी विनोद भन्साळी, प्रशांत नांदे, राजू मांदाडे, सौ. सुनीता पांढरे, जयवंत ठेपाले, प्रवीण बोथले, माजी सरपंच प्रदिप डाहुले, प्रभाकर घोटेकर, अभिजित मांडेकर सरपंच, दिलीप आत्राम उपसरपंच उपस्थित होते.
पक्षप्रवेश करणारे मान्यवर :-
रमेश भेंडाळे, वसंता घोटेकर, अनिल जगताप, किशोर नागपुरे, गजू शेंडे, विनोद चहारे, विनोद भगत, सुनील जगताप, यांच्या प्रमुख नेतृत्वात रमेश भेडाळे, वासुदेव नागपुरे, विनोद चहारे, प्रफुल आत्राम, हनुमान जुमनाके,संजय मोहुर्ले, दिगांवर बोरुले, रमेश मांडवकर, पवन निकुडे, राजु निकुडे, कवडू ठमके, निलेश कामटकर, सुरज कुलकर, स्वप्नील घोटेकर, गजु पुसदेकर,अजय सोनुले, विजय सोनुले, संदीप राऊत, राजू पुसदेकर, महादेव मोहुर्ले, भारत शेंडे, विनोद केळकर,शंकर मोहुर्ले, महादेव किनाके, नागेश आत्राम, प्रभाकर घोटेकर, उत्तम रस्से, निलेश वाढई, नरेंद्र वरपटकर, शंकर चौधरी, मोरेश्वर येरमे, जिवन झाडे, रामा लोणबळे, विठ्ठल टेकाम, मंगेश टेकाम, अंकुश कोयरे, आशु घोटेकर, सचिन नेहारे, सुनील जगताप, शाहू झाडे, बाळू किनाके, अमोल केळकर यासह असंख्य नागरिकांनी पक्षप्रवेश केला आहे.
शिवणी (धोबे) येथे वेकोली अधिकाऱ्यांनी केली गावकऱ्यासोबत चर्चा
सह्याद्री चौफेर | ऑनलाईन
मारेगाव : तालुक्यातील शिवणी, कानडा, मुकटा, झगडा (उजाड) येथील गावकरी, शेतकरी आणि वेकोली मधील अधिकारी यांची महत्वाची बैठक पार पडली आहे. ही बैठक आज 19 जून रोजी सकाळी 10.30 वाजता जिल्हा परिषद शाळा येथे बोलावण्यात आली होती. भविष्यात वेकोली (WCL) ची प्रस्तावित शिवणी येथे ओपन कास्ट कोळसा खाण होण्याच्या हालचालीला सुरुवात होईल, तत्पूर्वी आधारभूत संबंधित विषयावर शेतकरी व वेकोली अधिकाऱ्यांशी यांच्यात चर्चा करण्यात आली आहे.
या बैठकीला वेकोलीचे जी एम अविनाश प्रसाद, प्रोजेक्ट मॅनेजर सचिन पाटील, राजू सुंदेला यांनी उपस्थित शेतकऱ्यांचे मत जाणून घेतली.
प्रस्तावित शिवणी (धोबे) या कोळसा खाणीची पर्यावरण जनसुनावणी 2012 मध्ये पार पडली होती. तेव्हापासून प्रकल्पग्रस्तांचे लक्ष लागले होते. आता हा प्रकल्प लवकरच होईल, अशी आशा ग्रामस्थामधे ऐकायला मिळत आहे.
या बैठकीत प्रकल्पग्रस्त शेतकऱ्यांकडून 2012 चे आर.आर. पॉलिसीनूसार जमीन संपादन करण्यात यावी अन्यथा, आमच्या जमीन देणार नाही,असे मत प्रकल्पग्रस्ताच्या वतीने मांडण्यात आले.
या बैठकीत निलेश रासेकर सरपंच शिवणी (धोबे), भारती चिंचोलकर, सरपंच दांडगाव-मुकटा, सुषमा ढोके सरपंच कानडा, प्रकाश डाहूले, अशोक धोबे, रूपेश ढोके, पांडूरंग लोहे, अजय धोबे, शरद ताजणे, निलेश ढेंगळे, प्रमोद धोबे, प्रकल्प ग्रस्त शेतकरी व ग्रामस्थ उपस्थित होते.
ज्योती किराणा शॉप अँड जनरल वर छापा...
वणी : शहराच्या हद्दीत पोलिसांनी सुगंधित तंबाखूवर नियंत्रण ठेवण्यासाठी कडक कारवाई केली असून सिंदी कॉलनी येथील एका विक्रेत्याकडून हजारो रुपयाचा अवैध तंबाखू जप्त केला आहे. ही कारवाई 18 जून रोजी अन्न व औषध प्रशासन यवतमाळ यांनी केली.
महाराष्ट्र शासनाने सुगंधित तंबाखू विक्री व वाहतुकीवर प्रतिबंध केला आहे. तरी देखील प्रतिबंधित अन्नपदार्थ विक्रीसाठी मे ज्योती किराणा शॉप अँड जनरल,रेस्ट हाऊस वणी च्या समोरील असलेल्या ठिकाणी साठवणूक केला होता, लोकसेवकांच्या दि.12 /08/2024 रोजी च्या प्रतिबंधित आदेशाचे उलंघन करून मनिष नंदकिशोर फेरवाणी (31) रा सिंदी कॉलनी, वणी याने भारतीय न्याय संहिता कलम 223 नुसार गुन्हा केलेला आहे. तसेच सदर प्रतिबंधित अन्नपदार्थ हे मानवी आरोग्यास अत्यंत घातक असून व त्याचे सेवनाने कर्करोगासारखे दुर्धर आजार होऊ शकते, म्हणून यावर शासनाने निर्बंध घातले आहे. हे पूर्णपणे ज्ञात असूनही सदर प्रतिबंधित अन्न पदार्थाची जाणीवपूर्वक विक्रीसाठी वाहतूक करून त्यांनी भारतीय न्याय संहिता कलम 274,275 व कलम 123 नुसार गुन्हा केला आहे.
या धाडीत मजा, ईगल तंबाखू, अन्नी गोल्ड स्वीट सुपारी, फ्लेवर्ड पान मसाला इत्यादी सह 30,613 रुपयांचा प्रतिबंधित मुद्देमाल जप्त करण्यात आला आहे. त्याचेवर कलम अन्न सुरक्षा व मानदे कायदा 2006 व त्याखालील 2011 चे कलम 26 (1), 26(2) (iv),27(3)(e),30(2) (a), कलम 3(1)(zz) (v), भारतीय न्याय संहिता कलम 223, 274,275 व कलम 123 अन्वये गुन्हा नोंद केला आहे.
पुढील तपास वणी पोलीस करत आहे.
जिल्हाधिकाऱ्याचे वेकोलि अधिका-यांना सूचना
सह्याद्री चौफेर | ऑनलाईन
वणी : उकणी येथील उर्वरीत 10 टक्के जमिनीचे त्वरीत संपादन करून संपूर्ण पूनर्वसनाची प्रक्रिया पूर्ण करण्याची सूचना जिल्हाधिकारी विकास मिना यांनी वेकोलि अधिका-यांना केली. बुधवारी दिनांक 18 जून रोजी भालर येथील वेकोलि रेस्ट हाऊस येथे जिल्हाधिकारी यांची बैठक झाली. बैठकीत कोलारपिंपरी कोळसा खाण प्रकल्प, वेकोली-वणी क्षेत्र, वणी नॉर्थ प्रकल्प आदींसह विविध खाणींसंदर्भातील प्रश्नांवर सखोल चर्चा करण्यात आली. बैठकीला खा. प्रतिभा धानोरकर व वेकोलि अधिका-यांची प्रमुख उपस्थिती होती.
उकणी या क्षेत्रातील 85 ते 90 टक्के जमीन वेकोलीने संपादित केली. परंतु उर्वरीत 600 एकर जमिनीचे अद्यापही संपादन झालेले नाही. या भूमीवर सुमारे 175 शेतकरी उदरनिर्वाह करतात. ही जमीन वेकोलीने संपादित न केल्याने या शेतकऱ्यांना ही जमीन सोडावी लागेल. जिल्हाधिकारी यांच्या बैठकीत वेकोलि सुरक्षा समितीचे सदस्य संजय खाडे यांनी या प्रश्नाकडे लक्ष वेधले.
त्यावर जिल्हाधिकारी यांनी उकणी गावातील उर्वरित जमिनीचे त्वरित संपादन करून संपूर्ण पुनर्वसनाची प्रक्रिया पूर्ण करण्याच्या सूचना वेकोलि अधिका-यांना दिल्या. बैठकीत खा. प्रतिभा धानोरकर यांनी वेकोलिसंबंधीत विविध प्रश्न आक्रमकपणे मांडले. वणी नॉर्थ कोलारपिंपरी ओपन कास्ट प्रकल्पासाठी अधिग्रहित जमिनींचा अद्याप मोबदला मिळालेला नाही. यावर या प्रकरणाची तातडीने चौकशी करून लवकरात लवकर मोबदला वितरित करण्याचे निर्देश जिल्हाधिकारी यांनी दिले.
या बैठकीला उपविभागीय अधिकारी नितीन हिंगोले, गटविकास अधिकारी किशोर गज्जलवार, तहसीलदार निखिल धुळधर, वेकोली वणीचे क्षेत्रीय महाप्रबंधक सुजित पिसारोडी, वणी नॉर्थचे क्षेत्रीय महाप्रबंधक एम. संजीवा रेड्डी यांच्यांसह उकणी, कोलारपिंपरी, ब्राम्हणी, अहेरी येथील नागरिक उपस्थित होते.
लग्नाचं आमिष दाखवून 19 वर्षीय तरुणीवर अत्याचार
वणी : नांदेपेरा येथे लग्नाचे आमिष दाखवून तरुणीवर अत्याचार केल्याचा धक्कादायक प्रकार समोर आला आहे. आरोपीने सदरील तरुणीला आत्महत्याची धमकी दिली व त्याच्या सोबत नग्न अवस्थेत असलेले छायाचित्र बदनामी होईल या उद्देश वायरल केले असून आता याप्रकरणी वणी पोलीस ठाण्यात गुन्हा दाखल करण्यात आला आहे.
वणी तालुक्यातील या 19 वर्षीय तरुणीला रोशन विठ्ठल गोबाडे (24) रा. नांदेपेरा याने पीडितेला लग्नाचे आमिष दाखवून तिच्यावर वेळोवेळी अत्याचार केले. तो इथेच थांबला नाही तर त्याने आत्महत्या करतोय अशी धमकी देत तिच्यावर जबरदस्तीने अत्याचार केला व तीचे नग्न अवस्थेत असलेले फोटो व्हिडीओ वायरल केले ही बाब उघड झाल्यानंतर रोशन गोबाडे विरोधात कलम 354, (c).376 (2) (n) भादवि सह क. 3 (1).4.5 (1), 6,11 (5), 12 फोक्सो सहकलम 66(E),67 (B), IT ACT प्रमाणे गुन्हा दाखल करण्यात आला. या प्रकरणाचा अधिकचा तपास वणी पोलीस करत आहेत.
कॅनल वर काम करणाऱ्या मजुराची आत्महत्या
मारेगाव : तालुक्यातील नवरगाव धरण येथे कॅनल च्या कामावरील एका मजूर तरुणाने गळफास लावून आत्महत्या केली. ही घटना आज बुधवार ला दुपारी 1 वाजता उघडकीस आली आहे.
शेख समीर शेख जाफर (22) रा.दाईतना ता जि. परभणी असं कॅनल बाजूला असलेल्या झाडाला पॅन्ट व टी शर्ट सहाय्याने गळफास घेऊन मृतवस्थेत आढळून आलेल्याचे नाव आहे. तो मागील दिवसापासून कॅनल च्या कामावर मजुरी करीत होता.
आज त्याचा मृतदेह आढळून आल्याने या मृतकास पाहुण ही आत्महत्या की घातपात, अशी साशंकतेला वाव ? येत असून घटना स्थळाचा पंचनामा करून मृतदेह उत्तरीय तपासणी करिता ग्रामीण रुग्णालयात पाठविण्यात आला आहे. पुढील तपास मारेगाव पोलीस करत आहे.