सह्याद्री चौफेर | वृत्तसंस्था
मारेगाव : वणी ते मार्डी या राज्यमार्गावरील रस्त्याची दुरावस्था झाल्याचे चित्र पाहायला मिळत असून ठिकठिकाणी रस्ता उखडला आहे. ह्याकडे संबंधित विभागाने लक्ष द्यावे,असे परिसरातील नागरिकांचे म्हणणं आहे.
मागील वर्षभऱ्यात मार्डी, मच्छिन्द्रा, वनोजा देवी रस्ता हा नवीन तयार करण्यात आला होता. मात्र, काही महिन्यातच ह्या रस्त्याची खराबस्थिती पाहायला मिळाली होती. प्रवाश्यांसह नागरिकांची ओरड होताच नांदेपेरा ते वनोजा देवी व मच्छिन्द्रा ह्या रस्त्याची डागडुग्गी केली. सदर मार्गाने वाहने धावत होती. आजही वाहतूक सुरू आहेत परंतु आता पुन्हा जड व भरधाव वाहतुकीने ह्या रस्त्याची दयनीय अवस्था झाल्याचे चित्र आहे.
मार्डी ते नांदेपेरा मार्गे अनेक प्रकारची जड वाहने एकामागे एक जसे सुसाट धावतात. या मुळे वेगवान स्पर्धेत कित्येक किरकोळ अपघात 'फिस्की'च्या जंगलात घडले. विशेष म्हणजे रात्रभर "भुरभर" त्रास राहिला एकीकडे, पोलिसांचा ससेमीरा नकोत म्हणून अनेकजण चूप आहे. पणमात्र नागरिकात या बेभान धावणाऱ्या व चांगल्या रस्त्याची वाट लावणाऱ्या वाहनाबाबत रोष व्यक्त होत आहे. लोकप्रतिनिधी, पोलीस वाहतूक अधिकारी, कोणीही या भरधाव वाहनाकडे लक्ष घालताना दिसत नसल्यामुळे सदर मच्छिन्द्रा, वनोजा देवी व लाखापूर रस्त्याची दुरावस्था झाली असल्याची ओरड परिसरातील नागरिकांतून होताना दिसत आहे.