वणी : खळखळून हसणे हा चेहऱ्यासाठी एक प्रकारचा उत्तम व्यायाम आहे. हसण्यामुळे स्नायूंचा व्यायाम होतो आणि चिरतरुण राहण्यास मदत मिळते. पण सध्या या धकाधकी च्या जीवनात चेहऱ्यावरील हास्य या अँड्रॉइड युगामुळे हरवल्याने पेन किलर आहे तुमचं हास्य, म्हणून सन्यानी "हशाचा डोस" घेवून अती दिड शहाणे येत आहे दरवर्षी प्रमाणे याही वर्षी अखिल भारतीय हास्य कवी संमेलन.
मागील २५ वर्षांपासून वणीकरांना हसवण्यासाठी अखिल भारतीय हास्य कवी संमेलनाचा कार्यक्रम दरवर्षी धुळवड ला आयोजित केला जातो. या दिवशी रंगपंचमीमुळे सर्वत्र रंगारंगचा माहोल असतो. परंतु कोरोना आला आणि चेहऱ्यावरचं हास्य हिसकावून घेतलं या हाश्याला परत आणण्यासाठी या "धुळवड" दिवसाचा धुरळा उडवायला यंदा हास्य कवी संमेलन कार्यक्रमाला आणखी बहारदार करण्यासाठी हास्य अभिनेता एहसान कुरेशी (मुंबई) येणार आहे. त्यांच्या सोबतीला हास्य सम्राट किरण जोशी, हास्य कवी झिनत परवीन, व मुंबई चा लाडका रोहित शर्मा या कवीवर्यांची सुद्धा उपस्थितीसह हाश्याची जोड असणार आहे.
येत्या 7 मार्च 2023 रोजी रंगपंचमीला हे संमेलन वणी येथील शासकीय मैदान, पाण्याची टाकी येथे सायंकाळी सुसंपन्न होणार आहे. अशी आयोजकाच्या वतीने पत्र परिषदद्वारे वणी विश्रामगृह येथे माहिती दिली आहे, या होणाऱ्या हास्य कवी संमेलन कार्यक्रमाला परिसरातील बहुसंख्येने नागरिकांनी उपस्थित राहून कार्यक्रमाचा मनमुराद आनंद लुटावा असे आवाहन समिती च्या वतीने केले आहे.