कुमार अमोल | सह्याद्री चौफेर
मारेगाव : स्थानिक कला वाणिज्य व विज्ञान महाविद्यालय, मारेगाव येथील राष्ट्रीय सेवा योजना विभागाच्या वतीने राष्ट्रीय सेवा योजना मार्गदर्शन शिबिराचे आयोजन करण्यात आले होते.सदर कार्यक्रमाला उपस्थित कार्यक्रमाचे अध्यक्ष म्हणून महाविद्यालयाचे प्राचार्य डॉ. अविनाश घरडे सर तर प्रमुख पाहुणे म्हणून इतिहास विभाग प्रमुख डॉ. गजानन सोडणर, रसायनशास्त्र विभागाचे प्रमुख डॉ. संदीप केलोड सर व वाणिज्य विभागाचे प्राध्यापक डॉ. प्रवीण कुलकर्णी सर हे उपस्थित होते.
कार्यक्रमाचा उद्देश हाच की नवीन सत्रामध्ये प्रवेश घेतलेला राष्ट्रीय सेवा योजनेच्या विद्यार्थ्यांना राष्ट्रीय सेवा योजनेची संकल्पना आणि कार्याची माहिती मिळाली पाहिजे. कार्यक्रमाचे प्रमुख पाहुणे डॉ. संदीप केलोडे यांनी राष्ट्रीय सेवा योजनेचे ध्येय आणि उद्दिष्टे यावर आपला प्रकाश टाकला तर डॉ. प्रवीण कुलकर्णी यांनी राष्ट्रीय सेवा योजनेच्या माध्यमातून संत गाडगेबाबांनी केलेल्या कार्याची दाखले देत विद्यार्थ्यांना मार्गदर्शन केले तसेच डॉ. गजानन सोडणर यांनी राष्ट्रीय सेवा योजनेच्या माध्यमातून विद्यार्थीदशेत राष्ट्रउभारणीमध्ये युवकांचे योगदान या विषयावर आपले मत व्यक्त केले.
आपल्या अध्यक्षीय भाषणामध्ये बोलत असताना महाविद्यालयाचे प्राचार्य डॉ. घरडे सर यांनी शिक्षण क्षेत्रातून सेवासंस्कार तरुणांवर व्हावा, तरुणांकडून राष्ट्रसेवा घडावी, युवाशक्तीचा उपयोग राष्ट्राला व्हावा, या हेतूने शिक्षण क्षेत्रात विविध योजना वेगवेगळ्या स्तरावर राबविल्या जाव्यात असे मत व्यक्त केले. कार्यक्रमाचे प्रास्ताविक रासेयो कार्यक्रम अधिकारी प्रा. बाळासाहेब देशमुख यांनी केले तर रासेयो सह कार्यक्रमाधिकारी प्रा विजय भगत व रासेयो विद्यार्थिनी कु. खुशी खैरे यांनी 'खरा तो एकची धर्म' ही प्रार्थना म्हणून कार्यक्रमाची शोभा वाढवली.
कार्यक्रमाचे सूत्रसंचालन कु. पौर्णिमा काळे हिने केले तर आभार प्रदर्शन वसुधा देवाळकर यांनी मांडले. महाविद्यालयातील प्राध्यापक वृंद डॉ. अनिल अडसरे सर, प्रा. शैलेश आत्राम सर, प्रा. अक्षय जेनेकर सर, रासेयो महिला सहकार्यक्रम अधिकारी प्रा. माधुरी शेंडे मॅडम व रासेयो विद्यार्थी यांनी कार्यक्रमाच्या यशस्वीतेसाठी मेहनत घेतली.