विद्यार्थ्यांसाठी स्पर्धा परीक्षा मार्गदर्शन कार्यशाळेचे आयोजन

कुमार अमोल | सह्याद्री चौफेर 

मारेगाव : स्थानिक कला, वाणिज्य व विज्ञान महाविद्यालय मारेगाव येथील प्लेसमेंट सेल व राष्ट्रीय सेवा योजना विभाग यांच्या संयुक्त विद्यमाने महाविद्यालयीन विद्यार्थ्यांसाठी स्पर्धा परीक्षा मार्गदर्शन कार्यशाळेचे आयोजन करण्यात आले होते.

सदर कार्यक्रमाचे अध्यक्ष म्हणून इतिहास विभागाचे प्रमुख डॉ. गजानन सोडणर तर मार्गदर्शक म्हणून BYJU'S या ऑनलाईन प्लॅटफॉर्म लर्निंग सेंटर मधील प्रा. राऊत सर तसेच प्लेसमेंट सेल चे समन्वयक डॉ. संतोष गायकवाड व राष्ट्रीय सेवा योजना विभागाचे कार्यक्रम अधिकारी प्रा. बाळासाहेब देशमूख, सहकार्यक्रम अधिकारी प्रा. विजय भगत आणि गृहअर्थशास्त्र विभाग प्रमुख डॉ. विभा घोडखांदे मॅडम उपस्थित होत्या.

(स्पर्धा परीक्षा मार्गदर्शन कार्यशाळेत सहभागी झालेले विद्यार्थी )

सदर स्पर्धा परीक्षेबाबतीत मार्गदर्शन करण्यासाठी आलेले प्रा. राऊत सर यांनी वर्तमानकाळात स्पर्धा परीक्षेची वाढत चाललेली आव्हाने आणि यशप्राप्ती याविषयी सखोल असे मार्गदर्शन केले. कार्यक्रमाचे अध्यक्ष डॉ गजानन सोडणर सर यांनी स्पर्धा परीक्षेच्या माध्यमातून निर्माण होणारी विविध शासकीय व खासगी क्षेत्रातील पदे व अभ्यासक्रम याविषयी संबोधन केले. सदर कार्यक्रमाचे प्रास्ताविक डॉ. गायकवाड सर यांनी केले तर कार्यक्रमाचे सूत्रसंचालन B. Com. तृतीय वर्षाची विद्यार्थिनी कु. वेदश्री राऊत आणि आभार प्रदर्शन प्रा. भगत सर यांनी केले.

कार्यशाळेच्या आयोजनाकरिता महाविद्यालयाचे प्राचार्य डॉ. अविनाश घरडे सर यांचे मोलाचे मार्गदर्शन लाभले

कार्यशाळेच्या यशस्वीतेकरिता समस्त प्राध्यापक वृंद व विद्यार्थ्यांनी मेहनत घेतली.