चेतन पवार | सह्याद्री चौफेर
दारव्हा : कला व वाणिज्य महाविद्यालय, बोरी अरब व जिजामाता कला महाविद्यालय, दारव्हा येथील राष्ट्रीय सेवा योजना पथक संयुक्त विद्यमाने नुकतेच नवसंजीवन शिक्षण प्रसारक मंडळ दारव्हा संस्थेचे संस्थापक अध्यक्ष मा.माणिकरावभाऊ ठाकरे यांच्या वाढदिवसानिमित्त नीधी मंगल कार्यालय, दारव्हा येथे भव्य रक्तदान शिबीराचे आयोजन करण्यात आले होते.
यामध्ये एकूण 75 रक्तदात्यांनी रक्तदानाचे अनमोल दान देऊन आपले सामाजिक दायित्व पार पाडले यामध्ये कला व वाणिज्य महाविद्यालय, बोरी अरब येथील जय गावंडे, निखिल वाघ, आशिष मेश्राम, ऋत्विक पोपलकर, नंदागवली, सहर्ष चंद्रिकापुरे या विद्यार्थ्यांचा प्रामुख्याने सहभाग होता.
या रक्तदान शिबीराकरिता प्राचार्य डॉ.सुनील ढेरे, रासेयो कार्यक्रम अधिकारी प्रा.डॉ.नंदकुमार भाकरे, महिला कार्यक्रम अधिकारी डॉ.सुजाता नाईक, प्रा प्रकाश तेलगोटे, ज्येष्ठ प्रा.डॉ.रामचंद्र बुटले,डॉ.दीपक कुटे, डॉ.विकास निंघोट, डॉ. गणेश पवार, डॉ.विजय खोब्रागडे व समस्त रासेयो स्वयंसेवक यांनी अथक परिश्रम घेतले.
