कुमार अमोल | सह्याद्री चौफेर
यावेळी तालुक्यातील पूर परिस्थितीची इत्थंभूत माहिती अजित दादांना दिली. या अतिवृष्टीने झालेले नुकसान, त्याचे होणारे दूरगामी परिणाम आणि करावयाच्या उपाययोजना यावर सविस्तर चर्चा केली. शेतकऱ्यांनी केलेल्या मागण्या शासन दरबारी मांडून पूरग्रस्तांना शासनाकडून जास्तीत जास्त मदत मिळवून देणार असल्याचे यावेळी पवार यांनी सांगितले. यावेळी शेतकऱ्यांना 75 हजार रुपये हेक्टरी मदत देण्याची मोठी मागणी राष्ट्रवादी युवक काँग्रेसचे जिल्हा उपाध्यक्ष सचिन पचारे यांनी दादांना निवेदनातून करण्यात आली.
वणी मारेगाव झरी ओला दुष्काळ जाहीर करून शेतकऱ्यांचे पिक कर्ज माफ करावे, बेंबळाने शेतकऱ्यांच्या डोळ्यात पाणी आणले, त्यामुळे बेंबळा सिंचन विभागाकडून नुकसान भरपाई म्हणून सरसकट 75 हजार रुपये मंजूर करण्यात यावे तसेच वणी उपविभागीय ठिकाणी उपजिल्हा रुग्णालय मंजूर करावे असे निवेदनात नमूद करण्यात आले आहे.
यावेळी प्रशासकीय अधिकारी, विविध राजकीय पक्षातील पदाधिकारी सह शेकडो शेतकऱ्यांची उपस्थिती होती. माजी उप मुख्यमंत्री अजित पवार यांचा झंझावत दौरा मारेगाव तालुक्यातील पूर ग्रस्त शेतकऱ्यांचे अश्रू डोळ्यात साठवून विरोधी पक्ष नेत्याचा ताफा सेलू ता.वणी कडे रवाना झाला.
