मारेगाव : मारेगाव तालुक्यात पुरग्रस्त गावात आरोग्य तपासणी व औषधी वाटप शिबिर आज (ता.30 जुलै) ला घेण्यात आले आहे. या शिबिरात पशु चिकित्सक सुद्धा उपलब्ध असून, जनावरांची तपासणी व औषधं देण्यात आले आहे.
गेल्या महिन्याभरापासून सुरू असलेल्या संततधार पावसाने तालुक्यातील सावंगी,कोसारा, शिवणी, आपटी व अन्य गावात पुर परिस्थितीमुळे जनजीवन विस्कळीत झाले. त्यामुळे पीडितांना एक हात मदतीचा म्हणून शिबिर घेण्यात आले. आज शनिवारला सावंगी व कोसारा येथे पुरग्रस्त भागात जावून डॉक्टर असोसिएशनचे अध्यक्ष डॉ. महेंद्र लोढा व क्रांती युवा संघटनेचे संस्थापक अध्यक्ष सन्माननीय राकेश भाऊ खुराणा व रोटरी क्लब यांच्या संयुक्त विद्यमाने आरोग्य शिबिर घेण्यात आले.
यावेळी कोसारा येथील सरपंच, काँग्रेस तालुका अध्यक्ष मारुती गौरकार, अंकुश माफुर, डॉ धिरज डाहूले, डॉ मालवटकर, डॉ सुबोध अग्रवाल, आशिष आगबत्तलवार, नेहा ठाकरे आदींनी आरोग्य या शिबिराकरिता सहकार्य केले.
